ZİYARETÊ HEMWELATİYON DEWOM KENO

Reisê Belediya Yücel Barakazi hemwelatiyon dır omı yoca, problemon yın persa u gueş na yın ser.

Reis, paştmirê yı Ahmet Korkutata u Veysel Koç, yo çayxone dı hemwelatiyon dır omê yoca. Reis, derheqê xebatonê belediya dı malumat da.

Barakazi va, “Rueja ki ma ın wezife guret, ma semedê xızmet cayê xu dı nêvınderti u ma pê paştdayışê hemşehriyon xu xılêk mesafe guret.”

Reis Barakazi va, “Ma bazarê heywonon, cayê wahar veciyayışê heywonon, çarşuyê renc ê ciniyon, vıraziyayışê 8 hebi park, 10 hebi saloni spor, pırdê Abdullah Bazencir, cayê leyon, istasyonê şarj ê seqeton, raharê rêçi, e-belediya, emniyetgırotışê aw, raharê bajari ê bêmani vıraşti u qedinayi. Mehlaya Afaton dı bajar newekerdış, binaya newe ê belediya u kentpark zi wısar dest pê keni.” 

Barakazi ina dewom kerd: “Rueca ki ma wezife dewır teslim guret, ma xılêk projeyi qedinayi. Ma hem sêrard dı hem zi binard dı xebata xu dewom kerd. Ma piyerê parkon dı gureyê tamirat dewom keni. Xebata gazo tabi zi dewom keno. Semedê xebatonê gazo tabi xılêk cayon dı manzarayi xırabi beni, la ma ınê ser xu decneni zi. Ancax ma semedê rındkerdışê bajarê xu ınê dı zi mucadele keni.”

Reis Barakazi va, projeyi ki ma pilonê yın vıraşt bı ma yın zi qedineni. “Ma her tım gueşdariyê hemwelatiyon xu keni u ma zaf ehemiyet doni fıkırê yın. Ma pê hişa muşterek gomê xu erzeni. Guerê ma, fıkırê her yo hemşehriyi ma zaf muhim o. Aye ra ma tımotım hemwelatiyon xu ziyaret keni u ma geuş noni yın sera.”

Hemwelatiyon zi semedê mısafırtiya Reis u Paştmironê yı, zaf bi memnun u va, ma fırsat diyo ki ma taleb u problemon xu yı ra vac.  

Anket

Yeni sitemizi beğendiniz mi ?

Evet
Hayır
Normal