YAŞAMSPOR VECİYA NİMFİNAL

Kuluba Yaşamspor ê Belediyaya Çoligi hemberiya mıntıqayê 6. ê Ligê Kros ê Mıntıqa dı kategoriyonê U-16 u U-18 dı dereceya yoyın guret u veciya nimfinal.

Eşkeraya Koordinatoriya Medya u Munasebetê Şari ê Belediyaya Çoligi dı derheqê mewzu dı hına vaciya; "Organizasyonê Ligê Kros ê Mınıtqayo ki hetê Federasyona Atletizm ê Tırkiya ra vıraziyeno u hedefê cı cıwononê wayirê qabiliyeti kıfşkerdış o, goma Çoligi temom bi."

Eşkeraya ki tede vaciya 6 bajaron ra zaf sporbazon iştıraqê hemberi kerd hına dewom kerd; “Sporbazonê Kuluba Yaşamspor ê Belediyaya Çoligi kategoriyonê lac u keynayonê qıckekon dı bajarê ma temsil kerd u kategoriyonê U-16 u U-18 dı dereceya yoyın guret.”

Maçi nimfinal Xarpiyet dı kay beni

Eşkeraya ki tede vaciya hemberiya ki pê heyecan viyert nimfinala cı 3 Tışrino Peyin dı Xarpiyet dı kay bena hına qediya; “Ma bawer keni kuluba ma ya ki bajarê ma bı serfırazi temsil kena, semedê maçonê goma dıyın zi xu zaf hol kena hazır u nimfinal dı bena serfıraz. Riyeza ferdi dı kategoriya qıcon dı Sedat Açan riyeza yoyın, Şiyar Çelik riyeza hiriyın u Recep Kenberi riyeza çarın dı ca guret. Kategoriya astareyon dı zi Halit Çakar riyeza yoyın, Muhammed Çintay riyeza dıyın u Nihat Birgin zi riyeza hiriyın dı ca guret.  Ma ıni sporbazonê xu, idarekaronê kulub u antrenoron tebrik keni u serfıraziya yin wazeni.”

Anket

Yeni sitemizi beğendiniz mi ?

Evet
Hayır
Normal