YAŞAMSPOR, TURKİYE DI DERECEYA HİRİYIN QEZENÇ KERD

Kuluba Yaşamspor ê Belediyeya Çoligi, musabaqayonê final ê liga kros dı miyonê 53 kulubon dı dereceya hiriyın guret.

Sezona 2017 ê Liga Kros ê Zaferê Demokrasi ê 15 Temuz ê Turkcell, Adana dı pê maçonê final qêdiya.

Etaba verina musabaqayon ê liga kros Amasya dı, ê dıyın İstanbul dı, ê hiriyın zi Adana Park dı kay bi.

Musabaqayi 6 kategoriyon dı vıraziyê. Ini musabaqayon rê 53 kulubon ra 274 sporbazon iştiraq kerd.

Ini musabaqayon dı etaba dıyın 25 Tışrino peyin dı kay bi u Bingöl Yaşamspor kategoriya comiyerdon dı veciya final. Bingöl Yaşamspor musabaqayonê final dı dereceya hiriyın qezenç kerd.

Barakazi, “Yaşamspor serfiraziyonê xu rê dewom kena”

Reisê Belediyeya Çoligi Yücel Barakazi beyanatêko nuşteyin da u va, Bingöl Yaşamspor heta êr zaf musabaqayon dı serfiraziyi pili qezenç kerdi.

Barakazi, idarekar u sporbazi kuluba Yaşamspor qê serfiraziya inan tebrik kerdi  u va; “Kuluba ma zerrê serr dı zaf serfiraz bi. Ina serfiraziya xu rê dewom kerd u Turkiye dı dereceya hiriyın guret. Kuluba Yaşamspor bajarê ma pê muwefeqi temsil kena. Sporbaz u xocayi ki inon xebıtnên, ez inon tebrik kena. Ez bawer kena ına serfirazi serronê verniyê ma dı zediyena. Belediyeya ma zi spor u sporbazon rê destegê xu rê dewom kena.”

Anket

Yeni sitemizi beğendiniz mi ?

Evet
Hayır
Normal