YAŞAMSPOR, MINTIQA DI DERECEYA HİRİYIN GURET

Kuluba Belediyaya Çoligi Yaşamspor, hemberiyonê Liga Kros ê Mıntıqa ê U16 u U18 dı kategoriya comiyerdon dı dereceya 3. ê mıntıqa qezenc kerd.

Guerê eşkeraya Koordinatoriya Medya u Munasebetê Şari ê Belediyaya Çoligi, çarçiwaya teqwimê 2018 ê Federasyona Atletizm ê Tırkiya dı hemberiyi qademeya dıyın ê Liga Kros a Mıntıqa 15 bajaron dı tertib biyi.

Sporbazonê Kuluba Belediyaya Çoligi Yaşamspor, hemberiyonê Kars dı serfıraziyêka pil eşt xu dest. Kuluba ki bajarê ma kategoriyonê U16 u U18 dı temsil kerd, kategoriya U16 dı dereceya 3. ê mıntıqa qezenc kerd.

Eşkera dı pê destegê Reisê Belediyaya Çoligi Yücel Barakazi averşiyayiş u zerre u teberê welat dı zaf serfıraziyan xu dest eştışê Kuluba Yaşamspor ra behs bı.

Eşkera hına dewom kerd: “Kuluba ma ya ki hem zerreyê welat dı hem zi Awrupa dı zaf serfırazi qezenc kerdi, yo destego pil dona şınasiyayiş u kulturê bajarê ma.  Kuluba ma ya ki pê destegê Reisê Belediya Yücel Barakazi xebatonê xu ri dewom kena, hem zaf serfıraziyon qezenc kena hem zi cıwani ki wayirê qabiliyeti, yin miyonê kulturê spor dı kena sporbaz. Sporbazi cıwoni ki antrenoronê mahıron het bunderi vineni, erşawiyeni kulubonê gırdon. Kuluba ma ına çarçiwa dı zaf transferi kerdi u xebatonê xu ri dewom kena. Kuluba ma ya ki dora peyin Kars tı bajarê ma pê serfirazi temsil kerdo ma sporbaz u antrenoronê cı tebrik keni, ma semedê destegê cı Mudırê Cıwoni u Spor ê Bajarê Çolig Erdal Arıkan u Temsilkariya Atletizm ê Bajar ri teşekur keni.”

Anket

Yeni sitemizi beğendiniz mi ?

Evet
Hayır
Normal