YAŞAMSPOR Bİ ŞAMPİYON

Kuluba Yaşamspor a Belediyaya Çoligi,  Vazdayışo Pil ê 82yın ê Atatürk dı bı taxım bi yoyın. Kulub, rêzbiyayişê ferdi dı pê Ercan Muslu bi hiriyın u serfıraziya xu rê dewom kerd.

Vazdayişo ki semedê serrgera 98ın ê Ankara omiyayişê Gazi Mustafa Kemal Ataturk, hetê Mudıriyetê Xızmetê Cıwoni ê Ankara u Federasyonê Atletizm ê Turkiyi vıraziya, hetê Wezirê Cıwani u Spori Osman Aşkın Bak ra dıya destpêkerdış.

Henzar u se u hirıs u dı (1032) sporbazi ca guret   

Vazdayiş dı sporbazon 10 henzar u 800 metre vazda. Sporbazon Dikmen Keklikpınarı ra dest bı vazdayiş kerd, Cehdeyê Cevizlidere, Cehdeyê Türkocağı, Cehdeyê Gençlik u Meydonê Anadolu ra viyerti u Gerajê Tiron ê Ankara dı vazdayiş qedina.  

Organizasyon dı miyonê ciniyon dı Belediyeya Bursa ra Sebahat Akpınar pê dereceya 34.33, comiyerdon dı zi sporbazo Kenyayıc ê Ankara Jandarma Gücü Sang Benard Cheruiyot zi pê dereceya 29.40 bi yoyın. Belediyeya Çoligi ra Ercan Muslu zi pê dereceya 29.52 bı hiriyın.

Yaşamspor bi yoyın

Çar atletonê Yaşamspor miyonê 10 atletonê holon dı ca guret. Kuluba Yaşamspor ê Belediyeya Çoligi taxımo tor hol pê dı puanon viyert u kupa qezenc kerd. Hemberi dı Yaşamspor 21, Jandarmaspor 23, TSK Spor Gücü 40 puan guret.

Merasimê xela Salonê Ankara Ataturk dı vıraziya. Merasim dı Waliyê Ankara Şükrü Yıldırım, Mudırê Umumi ê KYK Recep Ali Er u Paştmirê Umumi ê Mudırê Spor Murat Kocakaya xela da sporbazon.

Barakazi: “Ma pê ına serfırazi iftıxar keni”

Reisê Belediyeya Çoligi Yücel Barakazi, kuluba Yaşamspor tebrik kerd u va; “Yaşamspor serra 2017 pê serfırazi qêdina. Kuluba ma hem musabaqayonê mıntıqayê ma dı hem zi musabaqayonê Turkiye dı zaf bi muwefeq. Ez sporbaz u xocayonê Yaşamspor tebrik kena. Ez serra 2018 dı zi serfıraziya yin wazena.

Anket

Yeni sitemizi beğendiniz mi ?

Evet
Hayır
Normal