ÇOLİG DI CUYAYİŞ

CAYİ TARİXİ

Comi u Dızi

Dıza Sentarius: Derxueleyê Ruyê Muradi dı ya. 3 dızanê muhimonê dormaleyê Çoligi ra yo dız a. Wextê Urartuyon dı vıraziyaya.
Dıza Dano-Hini:Dız, qezaya Darêyêni dı ya. Cayê yobinon resayişê Layê Diyarbekır u Layê Konsper dı serê yo gıri dı vıraziyaya. Tiya xırabı wo. Guerê vatışon Qralê Person Danoyi ın dız qey keynaya xu dawa vıraştış.

Dıza Gêği: Dıza Gêği ya ki verrocê rocveteyê merkezê qeza dı ya, vıraştıyêko zaf muhkem a. Dormaleyê cı pê zınaron asiyon gıroti yo.  Zerreyê dız dı xırabıyi binayon esti. Guerê tarixê Erzincani, Ecemon romıto ına dız ser. Ironıci dekoti zerreyê dız, suesret bı şari kerdo, boni vêşnayi, zafiya comiyerdon kışti u ciniyon ri zi xırabi kerda. Şaro ki mecbur mendo tiya caverdo, omeyo Gêğı u mehlaya Dız dı ca dawo xu u mehla zi nomeyê xu ıney ra gurot o.

Gêğı wextê Hz. Umeri dı kot deste bısılmonon. Gêğı bısılmonon ra ver bınê destê Roma dı bı. Xalid bin Welidi Dıza Gêği xondononê Roma ra lacê Kiğa Taloni ra teslim gırota.

Comiyê Gêği: Eseronê verinonê Gêği ra wa. Mınareya Comi ser dı yo kıtabeya Erebki esta. Guerê ıney, comi hetê lacê İbrahim Begi Pir Ali Begi ra serra 700 ya Hicri dı omeya vıraştış. Guerê yona qeydi zi mınarayê comi rıcyayiş ra pey hetê Heci Heseni ra, comi zi hetê lacê Pir Ali Begi Pilten Begi ra omeya temirkerdış.

Yo mınarayê comi esta, ına mınaradı zi yo şerefe esta. Hoşê comi dı meqberê Heci Mehmet Efendi esto. Heci Mehmet Efendi merdımêko alım, aqıl u silehşor bı.

 

Destvıraştıyi

Palas: Vêrco muyi bızon yeni rıştış u tera la veciyeno, dıma zi pê ın la palas vıraziyeno. Dezgıyê palasi zi zê dezgıyê kilım o, şıq bı şıq vıraziyeno, dıma şıqi erziyeni tikışt u derziyeni. Palas hındeyê kilım nexşin niyo.

 Heqbı: Semedê bar rehet kırıştış dı piyeleki yobinon a yeni deştış. Heqbı diyarê dueşi dı ya zi zê her u astuer heywonon ser dı yeno kırıştış.

Kulab: Cılê şonon o. Şonê hem xu serd ra paweni hem zi eşkeni ser rakuweri.

Punci u Lapıki:Vırazyayişê puncon pê hiri cağon destpê keno. Nızdiya çar santim vıraştış ra pey caği beni ponc hebi. Punci sıpiyi, suri, siyayi u nexşini vıraziyeni.

 

 

 

 

 

 

 

 

 

FEALİYETİ TURİZMİ

Fealiyeti Turizmi

Çolig, bıxısusiyet hetê zenginiya tabii ra wayirê potansiyelê turistik o. Seranserê tarixi zaf qernon ware u deştonê Çoligi ra istıfade kerdo. Labelê hıdudê Çoligi dı eseri tarixi zaf çin i. Hetê turizmi ra çiyo tor muhim rındiya tebietê Çoligi yo.

Seyaho Pil Ewliya Çelebi kıtabê Seyahetname dı derg a derg rındiya Çoligi ra behs keno. Ewliya Çelebi wareyonê muhimonê Tırkiya ra behs keno dıma vono wareyo tor rınd u tor meşhur Wareyê Çoligi yo.  Seyaho meşhur, vaşon, vılon, guel u maseyonê ıni guelon ra behs keno u efsaneyonê ıni cayon neqıl keno.

Bê wareyon u guelon Çolig dı gueli qıckeki, awi serdıni, awi germıni, Guelê Qulıngi, Akotışê Rueci, seyd u fealiyeti turizmê zımıstoni hetê turizmi ra cayi u hediseyi muhim i. Eger tedbiri biyeri gırotış turizmê ware, turizmê sıhet, turizmê dar u bıri, turizmê seydi u turizmê zımıstoni Çolig dı mudeyêko kılm dı aver şıni. In averşiyayiş zi hem qey ekonomiya şarıstoni hem zi qey sosyaliteya şari zaf muhim o.

Turizmê Zımıstoni: Merkezê Ğıj ê Çoligi, 25 km merkezê şarıston ra duri do. Merdım eşkeno pê wesayitonê xısusiyon şiyero merkezê ğıj. Sezona ğıj aşma Konunê Verin dı destpê kena u heta aşma Edari dewom kena. Dergiya pistê ğıj 1.000 metre yo. Merkez dı, dı istasyoni esti. Berziya merkezê verini 1.650 metre ê dıyın zi 1.890 metre yo.

Turizmo Termal

Germaw

Germaw rayirê Karlıova ser Çolig ra 20 km duri da. Merdım serawext duyes aşmi bıreheti eşkeno şiyero germaw. Guerê tetkikon zaf faydeyi awa germaw esti. Bıxısusiyet mide, romatizma, niweşiyi ciniyon ri faydeyi cı zafi.
 

Turizmê Zımıstani

Hesarek dı merkezê ğıj esto. Hem şarê Çoligi hem zi şarê dormaleyê Çoligi aşmonê zımıstoni dı zaf alaqa muecneno Hesarek. Merkez qey turizmê zımıstoni muhim a. Gêğı dı zi tesisê ğıj esto.

GUELÊ QULINGİ:Guelê Qulıngi, Qezaya Bogloni dı hıdudê dewa Hezarşah dı ya. Dormaleyê ına guela tabii dı kuyi u gıri esti. Erdon ser cayi hınayini zaf tayi. Zerreyê guel dı 2 hebi gırawi esti. Ini gırawi xu bı xu zerreyê guel dı gêrêni. Awa guel şirına, tede suala madeni çin a. Maseyi eşkeni tede bıcuyi.

Anket

Yeni sitemizi beğendiniz mi ?

Evet
Hayır
Normal