XEBATA VOR PAKKERDIŞ DEWOM KENA

Belediyaya Çoligi xebata vor pakkerdış ri dewom kena. Belediya semedê trafikê pêya u wesayiton dı verniya tengasi gırotış şew u ruej xebıtiyena. 

Guerê eşkeraya Koordinatoriya Medya u Munasebetê Şar ê Belediyaya Çolig xebata vor pakkerdışa ki ruej verin varayişê vor ra pey destpê bı dewom kena. 

Xebat pê 5 greyderon, 5 wesayitonê bar, 6 kamyonon, 2 wesayitonê pêyarayir pakkerdış, 2 wesayitonê sualkerdış u 70 personel dewom kena. 

Eşkera dı derheqê xebat dı hına vaciya: "Xebata ki 24 saeti dewom kena, pê ına xebat cadde u kuçeyi merkezê çarşu u mehlayon beni pak. Semedê bajar dı trafikê wesayiton u pêyayon dı verniya tengasi gırotış ekibi ma şew u ruej xebıtiyeni." 

Eşkeraya ki tede semedê verniya cemed gırotış xebata sualkerdış ra zi behs bı hına dewom kerd: "Semedê verniya cemed gırotış rayiri sual beni. Çımçıliki ki çatiyon dı vıraziyayi ekibi itfaiyeya ma yin zi şıkneni. Semedê hol raviyertışê xebata vor pakkerdış, lazım o gueş bıdıyo anonsonê Mudırtiya Zabıta. Lazım o wayiri wesayiton mewzuyê park dı diqet bıkeri u cayi ki tede vor yena pakkerdış ıni cayon dı wesayitonê xu park nikeri."

Eşkera hına dewom kerd: "Merkezê çarşu dı bı xısusiyet xebata ki saetonê şond dı bena semedê ına xebat lazım o wayiri wesayiton desteg bıdi ekibonê belediya. Ekibi ma bı xısusiyet merkezê çarşu dı rayironê gırdon dı riyê wesayitonê park biyayon ra tengasi onceni. Lazım o wayiri wesayiton diqet bıkeri u wesayitonê xu cayonê munasıbon dı park bıkeri."

Anket

Yeni sitemizi beğendiniz mi ?

Evet
Hayır
Normal