XEBATA VOR PAKKERDIŞ DEST PÊKERD

Belediyaya Çoligi, varayişê vor ra pey dest bı xebata vor pakkerdış kerd. Ekibi 24 saeti cehde u kuçeyon keni pak.

Guerê eşkeraya Koordinatoriya Medya u Munasebetê Şari ê Belediyaya Çoligi, 20 wesayit u 70 personel semedê vor pakkerdış xebıtiyeno.

Eşkera dı hına vaciya: “5 gereyderi, 5 wesayiti bari, 6 kamyoni, 2 wesayiti sualkerdış, 2 wesayiti pêyarayir pakkerdış u 70 personel; rayiron, cehdeyon u kuçeyon keni pak. Xebata vor pakkerdış bısuret dewom kena. Xebata ki bı esasê 24 seeton dewom kena tede merkezê çarşu, mehlayi, cehdeyi u kuçeyi yeni pakkerdış. Semedê trafikê wesayiton u rayir şiyayişê pêyayon dı yo tengasi nêvıraziyo, ekibi seranserê bajar dı ruec u şew xebaton rê dewom keni.”

Eşkera dı vaciya ki ekibi vera ixtımalê cemedbestış u çımçılıkon hedreyiya xu diya u eşkera hına dewom kerd, “Vera ixtımala varayişê vor ra pey cemedbestış, ekibi sual u cemed hedre yi. Hina eger çatiyon dı çımçılıki bıvıraziyi ekibi itfaiyeya ma semedê yin pakkerdış hedre yi.”

Vera vorqıleyon hişar bên

Eşkeraya ki tede vera vorqıleyon hişarbiyayişê hemwelatiyon ra behs bı tede hına vaciya, “Sare dı merkezê çarşu, ver ixtımala çatuyon ra kotışê vorqıleyon u cemedi lazımo hemwelatiyi ma hişar bi. Guerê texminê meteoroloji, rueconê verniya ma dı bı varayişê vor beno puk cemed vıraziyeno. Lazımo hemwelatiyi ma semedê tengasi nikotış gueş bıdi hişariyon.”

Qey şoforon vengdayişê hesasiyet

Eşkeraya ki tede bıxısusiyet xebata ki şond merkezê çarşu dı bena qey ına xebat wayironê wesayiton ra ekibonê belediya rê yardımkerdış waziya hına qediya, “Ekibi ma yi ki vor keni pak bıxısusiyet merkezê çarşu dı rayironê gırdon dı riyê park biyayişê wesayiton ra tengasi onceni. Wa wayirê wesayiton pê hesasiyet tibıgêri u wesayitonê xu cayonê munasıbon dı park bıkeri.”

Anket

Yeni sitemizi beğendiniz mi ?

Evet
Hayır
Normal