WESAYİTİ XETİ DEZENFEKTE BİYİ

Belediyaya Çoligi çarçiwaya tedbironê virusê korona dı wesayiti xeton u dıngi dezenfekte kerdi. Depoyê awa weri, parki u cayi ki şar zaf şıxulneno çarçiwaya yo plan dı dezenfekte beni.

Guerê eşkeraya Koordinatoriya Medya u Munasebetê Şari ê Belediyaya Çoligi, vera virusê korona seraserê bajar dı xebati hijyen u paki zidyayi.

Çarçiwaya xebaton dı verco wesayiti xeti ki zerreyê bajar dı xebıtiyeni u dıngi ıni wesayiton dezenfekte biyi. Zê parkonê qıjon, cayonê arısiyayişi, tesisonê kultur u spori cayi ki zaf şıxulyeni zi yeni pakkerdış u dezenfekte beni. 

Eşkera dı hına vaciya; “Virusê koronayo ki heme cayê dınya gureto xu ver semedê tesirê ıni virusi taykerdış çarçiwaya yo plan dı xebati yeni kerdış. Cayi ki hemwelatiyi ma zaf şıxulneni u cayi ki tede sıxleti vıraziyena ıni cayi çarçiwaya tedbiron dı yeni pakkerdış u beni hijyenik. Heme depoyi awa weri ê bajarê ma yeni pakkerdış u dezenfekte beni. Ekibi Mudırtiya Paki şew cehde u rayiri ki wesayiti zaf şıxulneni ê cayon keni pak. Bajarê ma dı xebata paki u vera heme viruson xebata dezenfekte dewom kena.”

Wa hemwelati diqet bıkeri

Guerê eşkera cayi ki wertax yeni şıxulnayiş gereka tımotım hewa bıgêri u gereka merdım diqet bı hijyeno şexsi bıkero.

Qey xupawıtışi çıta icab keno?

Tedbiri xu enfeksiyonê akut ê rayirê nefesi ra pawıtış semedê xu virusê korona ra pawıtış zi muhimi.

Wext merdım bıkıxo ya zi bıpışko gereka fek u pırnıka xu pê mendila ki teyna yo dor şıxulneno bıgero. Eger mendil çin a gereka merdım pê hetê zerreyê arısni fek u pırnıka xu bıgero. Gereka merdım destonê xu yê lişınon fek, pırnık u çımonê xu ya meno.

Pakiya deston zaf muhim a

Gereka merdım destonê xu tor tay 20 saniye pê sabun u aw bışuwero. Eger sabun u aw çıni bi o wext zi gereka merdım antiseptikê destono ki tede alkol esta bışıxulno. Semedê quwetê wucud zi merdım gereka wext dı u bı sıhhet wer bıwero. Zê fiyek u zebze weri zi werdış ra ver gereka hol biyeri şıtış.

Eger işareti bıbi merdım se keno?

Eger şıma zerreyê 14 ruejonê peyinon dı yo dewleta teberi ra omeyi maskeyo tıbbi xu feka nên u dêstır şiyerên yo niweşxonı. Eger şıma kıxeni, adırê şıma esto u şıma nefes gırotış dı tengasi vineni hina maskeyo tıbbi xu feka nê u dêstır şiyerên niweşxonı. Eger keyeyê şıma dı yo teno ki cı ri izolasyon tawsiye biyo esto, wext şıma şıni wadeyê ê teni gereka şıma maske xu feka nên.

Anket

Yeni sitemizi beğendiniz mi ?

Evet
Hayır
Normal