WESAYİTİ 2 RUEJİ BÊPERE XIZMET DONİ

Reisê Belediyaya Çoligi Erdal Arıkan va, wırdi ruejonê verinon ê Rueşonê Qırbonon dı zerreyê bajar dı wesayiti xeti bêpere xızmet doni şarê ma.

Reis Arıkan va, semedo ki hemwelatiyi ma Rueşonê Qırbonon dı merdımonê xu bı reheti ziyaret bıkeri u rueşonê xu hol raviyarni wesayiti xeti, bêpere xebıtiyeni.

Reis Arıkani va ma semedê bı reheti rueşon raviyarnayişê hemwelatiyonê xu heme tedbiri gureti u hına qısey kerd; “Xebati ki rueşon ra ver dest pêkerd her het ra dewom keni. Semedê bueraqon ruetış u guretış Bazarê Heywonon eyar bı u teftişi vıraziyayi. Bê tiyayi destur nêdiyeno ruetışê bueraqon. Ekibi Zabıtayi ma teftişonê xu keni, eger çıkes zobi cayon dı heywoni bırueşo ceza diyena yin. Heto bin ra ekibi zabıtayi ma, cayi ki mamulonê gueşti, şıti, ardon, wer u paki rueşeni ıni cayon dı teftişonê xu zidneni. Ekibi paki semedê eşteyon aridayiş u cayê heywon sarı bırnayiş pak tepıştış wezife ser beni.  Bê inon ekibi itfaiye, zabıta, arızayê aw u gureyê fen zi seranserê rueşoni xebıtiyeni.”

Reis Arıkan Rueşonê Qırbonon ê hemwelatiyon bımbarık kerd u va; “Rueşonê Qırbonon teslimiyetê Hz. İbrahim u lacê cı Hz. İsmaili ra behs keno. In rueşon, rueşonê yoyi, piyayi, infaq u bara yobinon dayiş o. Ez hivi keno ıni wexti bımbarıki huzur biyari coğrafyaya İslom u bıbi sebebê xelasa Bısılmononê  bındeston. Ez pê ıni his u fıkıron Rueşonê Qırbonon ê heme Bısılmonon bımbarık kena. Wa rueşon huzur, sulh u bırati biyaro dınya.”

Anket

Yeni sitemizi beğendiniz mi ?

Evet
Hayır
Normal