VIRAŞTEYİ XIRBE U QEÇAXİ YENİ WEŞONAYİŞ

Belediyaya Çoligi eşkera kerd ki 4 aşmonê peyinon dı 17 vıraşteyi xırbe u 25 cayi işğaliye omê weşonayiş.
 
Guerê eşkeraya Koordinatoriya Medya u Munasebetê Şari ê Belediyaya Çoligi vıraşteyi xırbeyi, qeçaxi cayi işğaliyeyi ki zerreyê hududê Belediya dı yi u  tesbit biyi, omêyi weşonayiş.
 
Eşkeraya ki tede vaciya çarçiwaya vera vıraşteyonê xırbeyon mucadele dı ekibonê Mudırtiya İmar u Bajari u Mudırtiya Şubeyê Vera Suconê Narkotik Mucadele ê Mudırtiya Emniyet dır piya xebat bena hına dewom kerd; "Cayi xırbeyi ki ciya ciya mehlayonê bajarê ma dı esti hem beni sebebê êsayişo xırab hem semedê can u malê şarê ma beni sebebê taluke u hem zi hetê mubtelayonê madeyê kungi ra yeni şıxulnayiş tesbit beni u yeni weşonayiş. Ina çarçiwa dı 4 aşmonê peyinon dı 17 cayi xırabeyi tesbit biyi. Wayiri ıni cayon tesbit biyi heme muameleyi qanuni temom biyi u dıma ıni cayi omê weşonayiş. Xebata cıwononê xu maddeyê kungi ra dur depıştış dı wezifeyê hemwelatiyonê ma zaf muhim o. Eger hemwelatiyi ma ıni cayon dı bıvini maddeyê kungi yeno şıxulnayiş, belediya u mudırtiya emniyet ri muracat ya zi 155 ri telefonkerdış u xeberdayişê yin zaf muhim o.
 
Eşkeraya ki tede weşonayişê 18 işğaliye u 7 bufeyonê qeçaxon ra behs bı tede hına vaciya; “Çarçiwaya vera vıraşteyonê qeçaxon mucadele dı ekibonê Zabıta u ekibonê Mudırtiya İmar u Bajari pê xebata şirık vıraşteyi qeçaxi tesbit kerdi u mudaxele kerd. Vera vıraşteyo qeçax teftişi qet niyeni vındarnayiş u dewom keni, vıraşteyi ki teberê usul dı bi yeni weşonayiş.”
 
Eşkera dı vaciya ki vera vıraşteyonê qeçaxon, bêruhsaton u bêusulon mucadele dewom keno.

Anket

Yeni sitemizi beğendiniz mi ?

Evet
Hayır
Normal