VIRAŞTEYİ QEÇAXİ YENİ RICNAYİŞ

Bufe u vıraşteyi qeçaxi ki bajar dı omê vıraştış pê talimatê Reisê Belediya Erdal Arıkan yeni rıcnayiş.
 
Guerê eşkeraya Koordinatoriya Medya u Munasebetê Şari ê Belediyaya Çoligi hiri mehlayon dı bufe u vıraşteyi qeçaxi omê rıcnayiş. Eşkera dı hına vaciya, "Çarçiwaya xebata ekibonê Mudırtiya İmar u Bajari u Mudırtiya Zabıta mehlaya Recep Tayyip Erdoğan u mehlaya İçmeler dı bufeyi bêruhsati wedariyayi. Mehlaya Afaton dı zi cehdeyê Oğuzhan ser dı vıraşteyo qeçax omı rıcnayiş."
 
"Destur nêdiyeno vıraşteyonê qeçaxon"
 
Eşkeraya ki tede vera vıraşteyonê qeçaxon mucadele kerdış ra behs bı hına dewom kerd, "Bajarê ma dı destur nêdiyeno bufeyonê bêruhsaton u vıraşteyonê qeçaxon. Wazen wa serronê verinon dı wazen wa ın nizdon dı bıviraziyi vıraşteyi qeçaxi tesbit beni u yeni rıcnayiş. In mewzu dı çıkes rê iltimas nêbeno. Heto bin ra bufeyi ki verco ra ruhsat diyayo cı yi zi kontrol beni. Eger teberê qaremetreyê yin dı ziyedonê bıbi ê ziyedonê zi yeni rıcnayiş."
 
Eşkeraya ki tede bı plan rıcyayişê vıraşteyonê qeçaxon u binayonê xırbeyon ra behs bı hına dewom kerd, "Kışta vıraşteyonê qeçaxon dı binayi xırbeyi ki biyi meskenê maddeyê kungi ini zi pê şirkatiya Mudırtiya Emniyet yeni tesbitkerdış u yeni rıcnayiş. Vera işğalon mucadele dı hesasiyetê hemwelatiyonê ma muhim o. Eger dormaleyê hemwelatiyonê ma dı vıraşteyo qeçax esto ya zi vıraziyeno wa xeber bıdi belediyaya ma. Kontrolon ra pey vıraşteyi qeçaxi hetê ekibonê ma ra yeni rıcnayiş."

Anket

Yeni sitemizi beğendiniz mi ?

Evet
Hayır
Normal