VİRAJÊ AFATON BENO HİRA

Reis Arıkan, çatrayirê Afaton dı xebati tetkik kerdi u va; “ma virajê tengi keni hira; hem emniyetê trafiki hem zi emniyetê pêyayon zidneni.”

Reisê Belediyaya Çoligi Erdal Arıkan, Viyadugê Cebexçuri dı istıqametê çarşu ser virajo teng dı xebata viraj hirakerdış tetkik kerd.

Arıkan ekibon ra derheqê xebat dı melumat guret dıma beyanatê xu dı va, virajo ki tede hem romıtoği wesayiton hem zi pêyayi tengasi onceni ma keni hira u şıxulyayişê cı hina keni rehet.

Reis Arıkan hına va; “Hemwelatiyi ma wazeni viraji, cehdeyi u kuçeyi ki tengi ma yin bıker hira u newe ra vıraz. Bıxısusiyet çatrayirê Afaton dı hem romıtoğon hem zi pêyayon tengasi ontên. Wext hemwelatiyi wesayita xet ra omên war miyonciya trafik dı mendên. Ma ıno weziyet wedarneni, emniyetê trafik u pêyayon oni ca u verniya qezayon geni. Ma semedê otobusonê xeti zi cêb vırazeni u bı ıno qeyde trafik keni rehet. Hina rayiro ki çatrayirê Afaton ra şıno qerajê dewon ma o rayir zi keni hira. İnon het dı ma merkezê çarşu dı u têkı mehlayon dı zi rayiron keni hira.”

“Xebati peyzaj dewom keni”

Reis Arıkan her dı kıştonê Viyadukê Cebexçur dı xebatonê tertib ra behs kerd u va; “Ma miyonciya Viyadukê Cebexçuri pê vılon xemılna. Semedê êsayişo xırab ê sareyonê pırdi wedarnayiş u pê xebata peyzaj hina êsayişo rınd werte vetış xebati ma dewom keni. Cayo ki hetê Qonaxê Waliti ser moneno u 300 metre dergiya cı esta, o ca dı xebati vıraştışi u peyzaji dewom keni. Heto bin ra çatrayirê Afaton dı zi xebata çır destpêkerd. Wext ıni xebati ma temom bıbi Viyadukê Cebexçuri u dormaleyê cı reseno êsayişêko weş u estetik.”

Anket

Yeni sitemizi beğendiniz mi ?

Evet
Hayır
Normal