VİCİNAYİŞÊ FUTBOLBAZON DEST KENO PÊ

Quluba Yaşamspor ê Belediyaya Çoligi, çarçiwaya sezona futbol ê 2019-2020 dı semedê U15 u U16 vicinayişon vırazena.

Guerê eşkeraya Koordinatoriya Medya u Munasebetê Şari ê Belediyaya Çoligi semedê Quluba Yaşamspor pê sloganê ‘ma astareyonê istiqbal vicineni’ futbolbazi yeni vicinayiş.

Eşkera dı hına vaciya; “Quluba ma Yaşamspor semedê astareyonê istiqbal kıfşkerdış u qulub zıxmkerdış dest bı xebata sezona newe kerd. Ina çarçiwa dı teqwimê vicinayişê futbolbazon ê biyayonê serronê 2005 u 2006 tesbit bı. Vicinayişê futbolbazon 26 Tebax ruec dışeme seet 17.00 dı Mehlaya Karşıyaka dı sehaya sentetik ê futbol dı vıraziyeno. Vicinayiş formatê 2x15 deqiqa 2 qaleyon ser maç kaykerdış ser yeno vıraştış. Sporbazi ki wazeni iştıraqê eleminasyon bıkeri lazımo ruecê vicinayiş seet 16.00 dı pê cılonê musabaqa hazır bi.”

Eşkeraya ki tede vaciya quluba ma zaf dori biya serfıraz, qıci wayirê qabiliyeti kıfşkerdi u ıni qıci şırawıti taxımonê qırdon hına dewom kerd; “Quluba ma ya ki zerre u teberê welat dı zaf organizasyonon dı zaf dori biya serfıraz hetêk ra zi cıwononê wayirê qabiliyeti kena pil. Sporbazi cıwoni ki antrenoronê profesyonelon ra ders geni şırawiyeni qulubonê pilon. Quluba ma ya ki ına çarçiwa dı zaf transferi kerdi xebatonê xu ziyednena u rayirê xu ri dewom kena. Ma wazeni wa cıwoni ma bı sıhet u bı exlaq bi u ê ki wayirê qabiliyeti wa yi zi bıresi cayonê holon. Cıwoni ma yi ki alaqadarê spori, ma wazeni wa pê xebata spor pê qabiliyetê xu bıhesiyi. Ina çarçiwa dı cıwoni ma yi ki alaqayê yin u futbol esto u wayirê qabiliyetê ma vicinayiş dı baweyê yin hemınê.”

Anket

Yeni sitemizi beğendiniz mi ?

Evet
Hayır
Normal