TERMİNALO NEWE BI A

Terminalo newe ê bınateyê bajaron o ki hetê Belediyeya Çoligi ra 26 hezar 500 metre qare ser vıraziyo u tede 27 peroni otobuson esti, bı a.

Waliyê Çoligi Ali Mantı, Reisê Belediye Yücel Barakazi u Rektorê Universite Prof. Dr. İbrahim Çapak terminalê bınateyê bajaron ê otobuson tetkik kerd.

Yücel Barakazi, tetkik ra pey beyanat da qezetewonon u va, “Proje dı têkı kêmasiyi bibi, ınay ra terminal bınêk erê viyert xızmet.”

Barakazi va, “Terminalê ma êr kot xızmet. Ma nızdiya yo serr veri ihale vıraşt bı. Labelê riyê kêmasiyonê proje u imalatonê ıtyayi ra, wayirê firmayon yo serr koti erê. Wa heqê xu ma rê helal bıkeri. Kêmasiyi gırdi biyi safi. Beno kêmasiyi şenıki bıveciyi, ma inon zi keni safi.”

Terminalo neweyo ki 26 hezar u 500 metre qare ser vıraziyo, tede 27 peroni otobuson, otoparka 172 wesayiton, qey şofêron wadeyê istıreheti, cayê vındertışê raywonon, reyoni bilet ruetış, istasyoni wêtiya wesayiton, cayê kontrolê zabıta, mescid, wadeyê gerguşon, wadeyê emoneti, ofisa polison u revir esti.

Anket

Yeni sitemizi beğendiniz mi ?

Evet
Hayır
Normal