TEFTİŞİ ZABITAYON DEWOM KENİ

Ekibonê Mudırtiya Zabıta ê Belediyaya Çoligi çarçiwaya tedbironê virusê korona dı teftişi xu zidnayi. Ekibon 452 cayi ki miyonê cı dı fırıni, qesabi u marketi esti teftiş kerdi u esnaf iqaz kerd.

Guerê Eşkeraya Koordinatoriya Medya u Munasebetê Şari ê Belediyaya Çoligi bajar dı teftişi ekibon dewom keni.

Fırınon ser teftişi zidyayi

Eşkera dı vaciya ekibi Mudırtiya Zabıtaya ki 24 seeti xebıtiyeni, fırınon u marketon ser teftişi xu zidnayi.

Eşkera dı hına vaciya; “Fırınon, cayonê sımit ruetış, qesabon, cayonê şirıni ruetış u marketon ser teftişi zidyayi. Teftişon dı paki u gramajê nonon kontrol bi. Derheqê virusê korona dı melumat diya wayironê fırınon u xebatoğonê fırınon u tera qeydeyonê paki ca ardış waziya. Heto bin ra marketi zi teftiş biyi u wayir u idarekaronê marketon ra guerê hukumonê etiketê fiyet ê Qanunê Muşteri Pawıtış tigêrayiş waziya.”

Cayi ki xebata yin omeya vındardayiş teftiş beni

Eşkera dı vaciya cayi ki çarçiwaya qerarê Wezaretê Gureyê Zerre dı semedê mudeyo mueqet xebata yin omeya vındarnayiş ıni cayi zi teftiş beni. Eşkera hına dewom kerd; “Bıxısusiyet qehweyi, kafetaryayi, saloni nişonı u veyveyi, kafeyi internet, saloni sinema, saloni spor teftiş biyi. Teftiş dı tesbit bı ki gıroniya ıni cayon biyo tabiyê qedexe. Labelê cayi ki akerdeyi yi zi omeyi qefılnayiş u derheqê wayironê yin dı zabıt ome gırıdayiş.

Zabıta bı dewomi teftiş kena

Eşkera dı çarçiwaya tedbironê virusê korona dı tigêrayişê ekibonê zabıta ra behs bı vaciya mudeyêko kılm dı 452 cayi teftiş biyi.

Eşkera dı hına vaciya; “Ekibi zabıta fırset nêdoni kêsfırseton. Guerê gerreyê hemwelatiyon nışka ra teftiş vıraziyeno, paki u fiyet kontrol beni. Heto bin ra zê loqanta u restoranon cayi ki pê şert akerdeyi, yi zi hetê şerton ca ardış u ca niardış teftiş beni.  Teşkilatê Zabıta mudeyê vera virusê korona mucadele dı pê heme ekibonê xu seha dı yo u semedê sıhet u weşiya şari 24 seeti xebatonê xu ri dewom keno.”

Anket

Yeni sitemizi beğendiniz mi ?

Evet
Hayır
Normal