TEDRİSAT DİYA 770 QURSİYERON

Belediyeya Çoligi serra 2017 dı çarçewaya fealiyetonê mesleg u sosyal dı qursonê xu dı tedrisat da 770 tenon.

Mudiriyeta Gureyi Kultır u Sosyal ê Belediyeya Çoligi raporê fealiyetonê serra 2017 kerd eşkera. Rapor dı vaciya ki qursonê muteşebisi, neqışnayişê kuiyon, taqı tasarım, sabunê mis, paraşutê verard, Muay Thai, Qur’onê Kerim, tiyatro, nuştoği, wendış u nuştış, Erebki, ney, keman u saz dı 770 tenon tedrisat diyo.

Rapor dı ina vaciya: “Hetê Gruba Şehr-i Bingöl ê Belediyeya Çoligi kayi Tırki u Zazaki kay biyi. Kayi M4hmud, Teyyare u Aqıl Şenık Bar Gırun, İstanbuel dı zi kay biyi. Festivalê Hesarek ê Ğıjbiyayişi zi Hesarek dı vıraziya. Fealiyetê 8 Edar Ruecê Ciniyonê Dınya zi tertib bı. Pê paştdayişê universite gelêk konferans u fealiyeti tertib biyi. TRT Kurdî dı programê Çepik ê Aydın Aydın tertib bı. 5 qezayon u Merkezê Kultır ê Çoligi dı fealiyetê Biyayişo Bımbarık vıraziya. Pê desteğê Mudiriyetê Kultır u Turizm ê Çoligi musabaqaya wer vıraziya.  Aşmê Remezon dı her şew fealiyeti vıraziyayi. Semedê yadkerdışê Ruecê Aşure, aşure diya talebeyonê universite. Aşmê Muharrem dı semede ciniyon programi vıraziyayi. Ma programo ki İstanbuel dı pê nomeyê Rueci Daşınasnayişê Çoligi vıraziya, ma uca dı stand kerd a.

Yaşamspor serrêka serkote viyarna

Rapor dı vaciya Kuluba Yaşamspor ê Belediyeya Çoligi emserr serrêka serkote viyarna. Rapor ina dewom kerd: “Kulubê ma Maratonê Nim ê İstanbuel dı bi çaharın, ê Trabzon dı bi yoyın, maçonê U17 Grubê Mıntıqa dı bi dıyın, musabaqayê asnawi dı bi dıyın, Maratonê Nim ê İstanbul dı bi yoyın, Xırvatiston dı Maratonê 26ın ê Zağreb ê Şampiyoniya Maraton ê Balkan dı pê atleto milli Yavuz Ağralı bi yoyın, musabaqayê Finalê Ligê Kros dı miyonê taxımonê Tırkiye dı bi hiriyın, Vazdayışê Pil ê Ataturk dı bi yoyın, musabaqayê Ligê Kros, Qademeya dıyın ê Bınatê Kulubon ê Mıntıqa dı bi dıyın ê mıntıqa u Ligê Kros ê Amasyda dı bi dıyın. Kuluba ma serra 2017 dı heq kerd ki şiyer Şampiyoniya Lig ê Kulubonê Tırkiye. Zobina, Mektebê Umnon ê Edeti ê newın dı zi serroni 09-12 dı 500 tenon iştiraq kerd cı.

Hetkariya ki vıraziyaya 

Rapor dı derheqê hetkariya ki belediya kerda, inan ra zi behs bı. Pê nomeyê “Semedê Heleb Rayir Akerên” 3 tıri malzemeyonê çiyi weri, kınci u çiyi bini erşawiyê Heleb. Aşmê Remezon dı 2 henzar aileyon ri qoliyê ardımi vıla biyi. Xemê fıtari dı her ruec hınzar u 500 tenon fıtarê xu kerd a. Semedê feqiron, xeseten semedê yetimon kınci diyayi 385 tenon. Pê nomeyê fealiyetonê sportif, malzeme diya 17 kulubonê amator. 

Anket

Yeni sitemizi beğendiniz mi ?

Evet
Hayır
Normal