TALEBEYON DORMALE KERD PAK

Çarçiwaya “Projeyê Hami” yo ki hetê Wezaretê Tehsil ra tetbiq beno; Belediyaya Çolig, talebeyonê Kolejê Hurriyet u Liseya İmam Hatib ê Anadolu ê Selahattin Eyyubi pê sloganê “Dormaleyo pak, Çoligo pak” merkezê çarşu kerd pak.

Wezaretê Tehsil 78 bajar dı nızdiya 3 hezar mektebo xısusi u mektebê dewlet ardi yo ca. Çarçiwaya Projeyê Hami dı mewzuyonê “fealiyeti sosyali, muwafeqiyeto akademik u AR-GE” dı xebati beni. Çolig dı zi xebata dormale pakkerdış vıraziya.

Personelê Mudırtiya Gureyê Paki ê Belediyaya Çolig u Kolejê Hurriyet u Liseya İmam Hatib ê Anadolu ê Selahattin Eyyubi ra 60 talebeyi merkezê çarşu kerd pak.

Hedefê ma 3 riyezi verin i” 

Paki ra pey Mudırê Gureyê Paki ê Belediyaya Çolig Sait Alas va, ma qıymet doni fealiyetonê tabiet u dormale.

Alas hına qısey kerd: “Çarçiwaya projeyê Hami dı 2 mektebon ra tor nızdiya 60 talebeyê ma mewqiyê Beşyol ra heta cehdeyê Genç kerd pak. Talebeyonê ma poşeti kerdi xu desta labelê dormale dı çuep çini bı ki bıdi ari. Ma Belediyaya Çolig pê plan gurê paki keni. Bajarê ma hetê paki ra Tırkiya dı miyonê 10 bajaron dı yo. Hedefê ma miyonê 3 bajaron dı ca guretış o. Ma teyna nêeşkeni bıres ın hedef. Hemwelatiyi ma ın mewzu dı hesasi labelê ma wazeni bınena hesas bi u niverdi çıkes dormale bıkero lêşın. Ma Belediya u şar destê yobinon bıger ma hem bajarê xu pak depışeni u hem zi ma qıconê xu ri yo bajaro pak verdeni. Fealiyeti ki semedê ın mewzu dı hişari tertib beni ma her het ra paşt doni cı.” 

Mudırê Kolejê Hurriyet Nizamettin Etdöğer zi derheqê paki dı muhimiya hişariya talebeyon ser vındert u hına qısey kerd: “Ma pê 2 mektebon ra iştıraqê 60 talebe fealiyetê paki tertib kerd. Ma nızdiya 3 kilometre dı xebata paki kerd. Ma waşt ma hem mesajê paki bıdi şar hem zi talebeyonê xu derheqê paki dı bıkeri hişar. Semedê dormalê xebati ma dewom keni.”

Paştmirê Sermudırê Liseya İmam Hatip ê Anadolu ê Selahattin Eyyubi Orhan Ömerli zi va: “Ma pa talebeyon u personelê Belediya xebata paki kerd. Ma semede şari mewzuyê paki dı hişarkerdış ına xebat kerd. Xebati ma yi hınayini dewom keni.”

Anket

Yeni sitemizi beğendiniz mi ?

Evet
Hayır
Normal