SUTALON ZIRAR DA PARKON

Parki ki zerreyê şarıstonê Çolig dı yi sutali zırar doni ıni parkon. Banki ruenıştışi omeyi vêşnayiş, cayonê kay, kameliyayon u sistemê rueştizırar di.

Guerê eşkeraya Koordinatoriya Medya u Munasebetê Şari ê Belediyaya Çoligi, seraserê şarıston dı zırar diya parkon. 

Lembayi rueşti, banki ruenıştışi, cayi kay, cayi barbeku şiyayi ra, gongulayi u çırıki zi omeyi nımıtış.

Guerê eşkera, ına xesar komi dawa parkon derheqê ınay dı yo melumat çin o.

Xebata temir dewom kena

Eşkeraya ki tede vaciya Mudırtiya Park u Baxçeyon semedê temirê parkon dest bı xebat kerdo hına dewom kerd; “Ekibi Mudırtiya Park u Baxçeyonê ma heme parkonê ma ruej bı ruej kontrol keni u cayi ki xesar diya yin temir keni. Merdımonê nezonon u bêfomon banki ruenıştışi vêşnayi, gongulayi, çırıki u qufeyi çuepi nımıti. Ekibi ma ıni melzemeyi ki zırar diyo lezabez temir keni u keni newe. Temir u wetiya parkonê ma çarçiwaya plan dı dewom kena.”

Semedê wayirti vengdayiş

Eşkera dı semedê pawıtışê parkon u zergunayi, hemwelatiyon ra pê hesasiyet tigêrayiş waziya u hına vaciya; “Semedê park u baxçeyonê şarıstonê xu xesar ra pawıtış, ma hemwelatiyonê xu ra paşt wazeni. Parki ki cayi ma hemınê gereka ma pê aqılo şirık bıpaw. Nêzoni ki wazeni zırar bıdi ıni cayon lazımo ma fırset nidi yin u ma sutalon ver dı xu kerr meker. Gereka ma xu vir ra niker cayi tebieti ancax pê heskerdış yeni pawıtış. Ma ıno mewzu dı hemwelatiyonê xu ra hina zaf desteg wazeni.”

Anket

Yeni sitemizi beğendiniz mi ?

Evet
Hayır
Normal