ŞUARBAYA GERMIN DİYA TALEBEYON

Qısımê Universite ê Şağa Cıwani ê Bajar ê AK Parti fealiyetê "memonên but, bımonên şuarba" tertib kerd. Reisê Belediya Yücel Barakazi u Rektorê Universiteya Çolig Prof. Dr. İbrahim Çapak şuarba da talebeyon.

Pê destegê Belediyaya Çolig universite dı şuarba diya talebeyon. Reisê Belediya Barakazi u Rektor Çapak şuarba da talebeyon u imtıhonon dı yin ri serfırazi waşt. 

Reis Barakazi va "Fealiyetê 'memonên but, bımonên şuarba’ hıni bı yo edet, zê her serr emserr zi talebeyi ki mudeyê imtihon dı taniyeni keye dı sêparı bıkeri, ma şuarba da yin. Ino fealiyeto ki pê destegê teşkilato sıvil, belediya u universite tertib beno u çend serron ra nat dewom keno. Ino hewayo serd dı ma şuarbaya germın doni talebeyon u yin dır sohbet keni. Ma wazeni wa fealiyeti hınayini dewom bıkeri." 

Rektor Çapak zi va, "Ini fealiyeti moral doni talebeyon u motivasyonê yin zêdneni. Semedê ıno fealiyet, belediya u talebeyi ki ıno fealiyet tertib kerdo ma yin ri teşekur keni. Ruecêko vorın u serd dı ma şuarbaya germın doni talebeyonê xu. Ino fealiyeto ki çend serron ra nat dewom keno ez qayila serronê verniya ma dı zi dewom bıkero."

Anket

Yeni sitemizi beğendiniz mi ?

Evet
Hayır
Normal