STANDÊ BELEDİYA ZAF ALAQA VİNENO

Rueji daşınasnayışê Çoligi dı, kultır, tarix, edet u zengini ê sosyali Çoligi, omêyi daşınasnayış. Standê Belediyaya Çoligi alaqayo pil vinen o.

Dernega Çoligıcon ê Kocaeli u Dernega Çoligıcon ê Dilova daşınasnayışê Çoligi ser yo organizasyon vıraşt. Organizasyon Merkezê Fuarê Beynelmilel ê Kocaeli dı dest kerd pê. Paştmirê Reisê AK Parti Cevdet Yılmaz, Waliyê Kocaeli Hüseyin Aksoy, Waliyê Çoligi Ali Mantı,  Mebusê Çoligi Feyzi Berdibek, Mebusi Kocaeli Fikri Işık, Radiye Sezer Katırcıoğlu, İlyas Şeker, Cemil Yaman, Reisê Belediyeya Şarıstono Gırd ê Kocaeli İbrahim Karaosmanoğlu, Reisê Belediyeya Çoligi Yücel Barakazi, Reisê Belediyaya İzmit Nevzat Doğan, Paştmirê Wezirê Averi yo vêrin Yusuf Çoşkun u zobina dehwetkaron iştıraqê merasimê destpêkerdışê organizasyonê ‘Rueji Daşınasnayışê Çoligi’ kerd.

Semedê tarix, kultır u rındiyi doruver ê Çoligi hemê welati dı daşınasnayışi, emserr bı dorê çaharın program tertip beno. Hemwelatiyi ki standon gereni, weri Çoligi ikramê yin beni.

Standê Belediya Alaqeyêko Pil Vineno

Hemwelatiyi ki qê Çoligi şınasnayış omêyi cayê fealiyet zaf alaqa muecneni Standê Belediyaya Çoligi. Hemwelatiyi ki Reisê Belediyaya Çoligi Yücel Barakazi u xonıma yı Pervin Barakazi şıni yin vera derheqê bajari dı beni wayirê melumatê hera. Hemşehriyi mayi ki Kocaeli u bajaronê doruverê Kocaeli dı cuyeni standê belediya ziyaret kerd, derheqê xebatonê Çoligi dı Barakazi ra malumat guret.

Reis Barakazi, derheqê organizasyon dı hına qısey kerd: “Ma bajarê xu pê tarixê cı, cayonê turistikon, sanayi, universite, tar u tur u pê mutfağê Çoligi yona dor doni şınasnayiş. Hemwelati ki standê ma ziyaret keni hem wextê xu hol viyarneni hem zi derheqê Çoligi dı beni wayirê malumatê hira. Hemwelatiyi ki standê ma ziyaret kerdo ma yo paketa xela doni cı; zerrê ına paket dı weri Çoligi egmin, guaz, bastêk, aqit u tuyi est i. İnon ra wet ma yo kıtabê daşınasnayışê xızmetonê Belediyeya Çoligi, gezete u yo albuma fotoğrafanê Çoligi keni xela. Ma qê fırsetê Çoligi yona duerım daşınasnayış zaf biyi şa. Qê bajarê mayê qedimi zerreyê welat dı daşınasnayış çıyo ki ma dest ra biyero ma keni.”

Barakazi va, Belediyaya Çoligi zaf desteg dayo daşınasnayışi bajari u qalkerdışê xu hına qêdina: “Rueco ki ma dest bı wezife kerd o ruec ra heta eyru ma qê daşınasnayışê Çoligi zaf fealiyeti sosyali vıraşti. Ma festivale Hesarek, pê 45 nuştoxon daşınasnayışê Çoligi, rueci şiiri u zobina fealiyeti vıraşti u bajarê xu welat dı da şınasnayış u ın daşınasnayiş ri eyro ra pey zi dewom keni.”

Stando ki tede lezeti Çoligi, kulturê Çoligi u rındiyi Çoligi yeni daşınasnayış heta 22 ê Teşrinê Verini akerdewo.

Anket

Yeni sitemizi beğendiniz mi ?

Evet
Hayır
Normal