Qezaya Bogloni

Qezaya Bogloni

Qezaya Bogloni serra 1929 dı wext nehiya bi bestıya Muş a, serra 1936 dı zi bi qeza u bestıya Çolig a.

Tarixê Bogloni zaf zengin o. Hititon, Huriyon, Uratuyon tiya dı hukım kerdo. Huriyon, M.V. 2000 dı mıntıqa gıret bınê destê xu. Hititon M.V.1360 dı ın mıntıqa Huriyon ra guret. M.V.1200 dı dewleta Hititon şiya we u ına hew mıntıqa kot bınê destê Urartuyon. Mıntıqa, M.V. 745 dı kot destê Asuriyon, M.V.612 dı kot destê Medon, M.V. 550 dı kot destê Person.

Mıntıqa heta 1071 hakimiyetê Roma dı mend, dıma bınê idareyê Selçuqiyon, Moğolon, Akkoyuniyon dı mend. Serra 1473 dı herbê Otlukbeli ra pey kot bınê idareyê Osmaniyon. Boglon u Muş serra 1864 dı bestıyayi Erzurum a. Boglon 1929 dı bestıya Muş a, 1936 dı bi qeza u bestıya Çolig a. Ruecveteyê cı dı Muş, Ruecawonê cı dı Çolig, zımeyê cı dı Karlıova u Vartu, verruecê cı dı zi Diyarbekır u Darêyêni esti. Wareyi gırdi u hirayi Bogloni esti. Boglon dı Kueyi berzi esti, berziya yin 2 hezar metre viyerena. Hıdudê Bogloni dı cayo raştı zaf çin o. Dengız ra berziya qeza 1395 metre ya. Awa Muradi Boglon ra viyerena.

Anket

Yeni sitemizi beğendiniz mi ?

Evet
Hayır
Normal