ŞOFORÊ QEHREMANİ XELA GURET

Şofor Ali Tuncel, yo raywono ki wesayit dı fıreya bı berd bı nêweşxone. Reisê Belediya Yücel Barakazi, qey ıno tigêrayişê cı wesiqeya teqdir da şofor Ali Tuncel.

Şoforê otobusa xet Ali Tuncel hefteyo verin yo raywono ki wesayita cı dı fıreya bı pê wesayita xu berd bı nêweşxone. Ina hadise ra pey, Reisê Belediyaya Çolig Yücel Barakazi, şofor Ali Tuncel meqomê xu dı kerd mısafır, wesiqaya teqdir u xela da cı.

Reis Barakazi va, şoforê otobus gurêko zaf hol kerdo u hına qısey kerd: “Bırayê ma Ali Tuncel, raywono ki otobusa cı dı fıreyayo vera yı pê nezaket, pê diqet u insoniyet tigêrayo. Ma zi ıno semed ra wı dawet kerd. Ma hem wesiqa da cı hem zi zobi xelayi dayi ca. Wı ziyed a ınay zi keno heq. Teyna Çolig dı yo gurêko hol nêkerd, holiya Çolig zi muecna Tırkiya. Beno wesiqayi ma zaf bıqiymet nêbi labelê wa şiyeri yo teşekur vera. Ez bırayê ma ri teşekur kena. Ez hivi keno ıni gureyi yi holi dewom keni.”

Ali Tuncel zi va: “Eger reyna çiko hınayin bıbo ez reyna eyni çi kena. Mı wezifeyê insoniyeti kerd. Kom herında mı dı bê eyni gurı kerdên.”

Anket

Yeni sitemizi beğendiniz mi ?

Evet
Hayır
Normal