SİNAYIŞÊ HEYWONON BIDÊN TALEBEYON

Talebeyon, munasebetê 4 Teşrino Vêrin Ruecê Pawıtışê Heywononê Dınya ra Cayê Weyıkerdışê Heywonon ê Muwaqat ê Belediyaya Çoligi ziyaret kerd u wer da heywonon.

Belediyaya Çoligi, munasabetê 4 Teşrino Vêrin Ruecê Pawıtışê Heywononê Dınya ra Baxımxoneyê Heywonon dı yo fealiyet vıraşt. Reisê Belediyaya Çoligi Yücel Barakazi, Waliyê Çoligi Ali Mantı, Mudirê Tedrisatê Mili Kadri Engin u Mudirê Emniyetê Bajari Metin Akay iştıraqê fealiyet kerd.  

Talebeyi ki merkezê bajari u qezayon ra omeyi, bınê qontrolê wazifedaronê belediya dı Baxımxoneyê Heywonon geyrayi u wer da heywonon.

Reisê Belediya Yücel Barakazi ita dı beyanatêk da u va, ma bı nomeyê Belediyaya Çoligi ya heywonon ri waharti keni u masrafonê tedawiyê yın doni.

Beyanat dı vaciya, talebeyi munasebetê 4 Teşrino Vêrin Ruecê Pawıtışê Heywononê Dınya ra Baxımxoneyê Heywonon dı biyi meyman. Beyanat, una dewom kerd, “Nızdiyê henzar heb talebeyi ki mektebonê merkez u qezayon dı tehsil vineni ê talebeyon cayê weyıkerdışê heywonon ziyaret kerd. Talebeyi bı qontrolê ekibonê mutehasıson dı cayê weyıkerdışê heywonon geyrayi. Talebeyi hem derheqê heywonon dı malumat musayi hem zi yın wer da heywonon.”

 “Ma heywonon ri heqeret qebul nêkeni”

Barakazi medya sera qê heywonon a tayn xeberi xırabon ser qal kerd u va, ma heywonon ri heqeret qebul nêkeni.

Barakazi, qalkerdışê xu ri una dewom kerd, “Xu vir ra mêken zê hemı goniyon heqê vêrin ê heywonon cuyayış o. Ma heywonon dır ına dınya dı piya cuyeni u ına dınya ıney ma piyerın piya ya. Ma gereka kultırê tor yın a cuyayış xu aver ber. Ma bı nomeyê Belediyaya Çoligi ya heywononê teberkerdeyon ri waharti keni u masrafê tadawiyê yın doni. Ma mesulê heywonon ê kuçeyon ê. Ma guna waharê heywonon bıvêc u yın bıpaw. Ina çarçiwa dı qê talebeyon fealiyeti ın qedeyın zaf muhim i. Ma gereka heskerdışê heywonon bıdı qıconê xu. Piyerê aileyi gereka derheqê heskerdışê heywonon dı tehsil bıdi qıconê xu.”

 “500 heb heywonon ri bı keye”

Beyanat dı vaciya, cayê weyıkerdışê heywonon ê muwaqat par kotbı fealiyet u heywononê teberkerdeyon ri bıbı keye. Beyanat, una qêdiya, “Cayê Weyıkerdışê Heywonon dı kutıki, pısingi u zobina heywoni esti. Baxımxoneyê Heywonon rueca ki biyo a a ruec ra heta ınka 500 heb heywonon ri biyo keye. Çarçiwayê proğramê waharvinayoğ dı heta ınka 160 heb heywoni diyayi hemwelatiyon. Semedo ki wa heywoni teber dı nêmoni, tedawiyê yın bı sıheta bıvıraziyo ma ını tesis o rıd ra nayo rue. Ma yo ihtiyaciya gırd kerda safi.”

Proğram, bad fotoğraf ontış u wer dayış a qêdiya.

Anket

Yeni sitemizi beğendiniz mi ?

Evet
Hayır
Normal