SERFIRAZİYA PİL

Sporbazê Quluba Yaşamspor Belediyaya Çoligi Hasan Gönen, şewa beynelmilel ê Pro Muaythai dı raqibê xu yo İranıj meğlub kerd u madalyaya zerrin qezenc kerd.

Seretiya Mıntıqayê Ruejveteyê Anadolu ê Kick Boks u Muaythai bınateyê ruejonê 18–22 Tışrino Peyin dı Salona Spor ê Mekteba Miyonin ê Van Gölü ê Tatvan dı “Kampa Beynelmilel ê Sporonê Ruejveteyê Duri” tertib bi. Organizasyonê ki kamp ra pey vıraziya Tırkiya, İran u Azerbaycan ra 60 sporbazê cayi u ğeribi iştıraq kerd.

Sporbazi ki eleminasyon ra pey organizasyon dı caguretış kerd heq bınateyê yin dı maçi muaythai kay biyi.

Maçi zaf zuar viyerti, sporbazon semedê reqibê xu meğlub kerdış zaf cehd kerd.  Maçon ri zaf alaqa bı bı, heto bin ra êsayişi rengini zi koti meydon.

Madalyaya zerrin qezenc kerd

Maçon dı sporbazo İranıj Resul Kasım u sporbazê Quluba Yaşamspor ê Belediyaya Çoligi Hasan Gönen omê tiver. Gönen reqibê xu meğlub kerd u madalyaya zerrin guret.

Peyniya maçon dı Qaymaqamê Tatvan Mehmet Ali Özkan u Reisê Belediyaya Tatvan Mehmet Emin Geylani xelayi sporbazon dayi cı.

Fealiyet ra pey Reisê Mıntıqayê Ruejveteyê Anadolu ê Kick Boks u Muaythai Ömer Uğur beyanat da qezetewonon u va, ma bınateyê 18-22 Tışrino Peyin dı Tatvan dı Kampa Beynelmilel ê Sporonê Ruejveteyê Duri tertib kerd.

Uğur iştıraqkerdışê 30 sporbazê İran u Azerbaycan u 30 sporbazê Tırkiya ra behs kerd u va; “60 sporbazê ma seraserê 4 ruejon dı antremani zaf holi kerdi. 30 sporbazo ki peyniya kamp dı omi vicnayiş ma bınateyê yin dı maç da kaykerdış. Heme sporbaz u aktori ki koti derece ez yin tebrik keno.”

Anket

Yeni sitemizi beğendiniz mi ?

Evet
Hayır
Normal