SEMEDÊ TERAZİYON RUEJ PEYIN 28 SIBAT O

Guerê beyanatê Belediyaya Çoligi teraziyi ki gereka bı şeklo periyodik muayene bıbi, lazım o wayirê karcayon heta 28 Sıbat 2020 beyanname bıdi.
 
Guerê eşkeraya Koordinatoriya Medya u Munasebetê Şar ê Belediyaya Çoligi, semedê faydeyê şari u icabê tucaret ca ardış, gereka teraziyi guerê qanunê eyarê terazi u guerê yo periyod muayene bıbi.
 
Guerê eşkera, mudeyê muayene 2 Konuno Peyin dı dest pêkerd u heta 28 Sıbat 2020 dewom keno. Wayiri karcayon gereka bınateyê ıni tarixon dı muracatê Merkezê Grupê Eyar u Mawıtış ê Mudırtiya İştıraqon u Fealiyeton ê Belediyaya Çoligi bıkeri.
 
Cezaya pere diyena cı
 
Eşkeraya ki tede vaciya ê yi ki qeydeyon nêyari ca ceza diyena cı hına dewom kerd; "Guerê Qanunê Eyar u Mawıtış, eger dağmayê cı tera bıkuwero, bıxerıpiyo, mudeyê dağma bıqediyo u merdımi ıni teraziyon bışıxulni 2 hezari u 600 lira ceza weni u dest niyeno teraziyê yin ser. Heto bin ra merdımi ki teraziyê yin ğelet hesab bıkero cezaya pereyo idari diyena yin u dest niyeno teraziyê yin ser. Yo teno ki teraziyonê bêdağma bırueşo, bıerzo ruetış ya zi pê tucaret bıkero heta yo serr cezaya hepis geno; merdımo ki bızono eyarê teraziyê cı raşt niyo u bı ın qeyde çi bısenco u bımawo u neheqi ra menfeat qezenc bıkero guerê hukumonê xapıtış ê Qanunê Cezaya Tırk ceza weno.”
 
Eşkera dı vaciya ki merdımi ki hacetê mawıtışê xu semedê muayeneyo periyodik oni Merkezê Grupê Eyar u Mawıtış ê Mudırtiya İştıraqon u Fealiyeton, gereka melumatê hacetê xu, cınsê hacet, marqayê cı, numarayê cı u qapasiteya cı zi xu dır bıberi."

Anket

Yeni sitemizi beğendiniz mi ?

Evet
Hayır
Normal