SEMEDÊ SAETONÊ AW HİŞYARİ

Belediyeya Çoligi va; rueci ki germiya hewayi kuena bınê sıfır derece, beno ki saeti aw bıcemıdi u hemwelati hişar kerdi.

Guerê eşkeraya Koordinatiya Medya u Munasebetê Şari ê Belediyeya Çoligi, rueci ki cemed vıraziyo lazım o çırıki yo mude akerdı bımoni, eger saeti bıcemıdi lazım o merdım awa germın saeton rê nêkero ya zi pê adır cemed nihelno. Eger hına mudaxele bıbu, beno çırıki u buêriyi aw bıteqi u xesar bızediyo.

Eşkera dı vaciya ki hewayo serd dı gereka şebeke dı aw nêvındero, şıxulnayiş ra pey lazım o çırıki mudêk akerdı bımoni. In mewzu semedê dewomiya xızmêt muhim o.

Eşkera dı qey aşmon zımıston dı saeton mıhafızıkerdış hemwelatiyon ra ıni waziyê:  “Mıhafızı u wêtiyê saeton wezifê hemwelatiyon o. Semedê zırar nêdiyayiş wext hewa zaf serd bu lazım o aboneyi cayê saeton pê melzemeyê izolasyon mıhafızı bıkeri. Hewayo zaf serd dı gereka çırıki taykêk akerdı bımoni. Eger aboneyi tedbir nêgêri saeti teqeni, mesrefê temiri zediyeno; eger bedenê saet bıteq ına seet hıni temir nêbena u bena xurdı. In hal dı zi aw bena xesar. Gereka awa germın saet u tesisato cemediyayi rê nêbu u merdım nêwaz pê adır cemedê saet bıhelno.  

Qey şoforon iqazê cemedi

Eşkera dı şofori zi vera cemedo nımıtı iqaz biyi. Eşkera dı hına vaciya: “Guerê texminon bajar u mıntıqayê ma dı cemed vıraziyeno. Hewa şew nışka ra beno serd, lazımo merdımi ki wesayit romeni diqet bıkeri u cemed ra mıhafızı bıkeri. Bê tekerê vor rayir nêkotışê şoforon zaf muhim o.

Anket

Yeni sitemizi beğendiniz mi ?

Evet
Hayır
Normal