SEMEDÊ MUHTACON KERMES

Koordinatoriya Xonıma Reisê Belediyaya Çoligi Nurten Arıkan dı, pê destegê xonımon ê amironê teşkilaton u teşkilatonê sıvilon semedê muhtaconê şarıstoni kermes tertib bi.

Kermesa ki Cehdeyê Genç dı parka Dortyol dı vıraziya, tede weri ki xonımonê amironê teşkilaton keye dı kerdi hazır omeyi ruetış.

Reisê Belediya Erdal Arıkan kermes ra pey qısey kerd u va; “Waridato ki ın program ra biyero, diyeno muhtacon. Ma her mehla dı muhtaci tesbit kerdi. In desteg reseno ıni muhtaconê ma. Ez kedkaronê ına xebat ri teşekur keno.”

Xonıma Reisê Belediya Nurten Arıkan zi va, ma pê sloganê "Muhtac ri Desteg Bı" u pê destegê xonımonê mudıron ê teşkilatonê kamu u temsilkaronê teşkilaton ê sıvilon semedê muhtacon kermes tertib kerd.

Arıkan hına qısey kerd; “Hedefê ma keyeyi ki muhtaci wa bızoni ma hem hetê manewiyat ra hem zi hetê madiyat ra hê yin het dı yi. Yona hedefê ma zi munasebetê zenginon u feqiron zıxmkerdış o. Ina çarçiwa dı kermes ri iştıraq zaf bı. Ez heme xêrwazon u kedkaronê kermes ri teşekur kena. Waridato ki tiya ra ome, ma doni keyeyonê muhtacon. Ini keyeyi zi ma verco ra tesbit kerdi bi.”

Zehra Ayrancı zi hına qal kerd; “Ma xonımonê mudıronê teşkilaton dır tiya dı kermes tertib kerd. Heme xonımon heta dest ra ome keye dı pasta, luel u ciya ciya weri vıraşti. Ma hemın tiya rueşeni u pereyo ki ma dest kuwero ma doni muhtacon.”

Wali Kadir Ekinci bı xonıma xu Tuba Ekinci, mudıronê teşkilaton bı xonımonê xu, temsilkaronê teşkilatonê sıvilon u hemwelatiyon iştıraqê kermes kerd.

Anket

Yeni sitemizi beğendiniz mi ?

Evet
Hayır
Normal