SEMEDÊ FEQİRON KERMES VIRAZİYENA

Rehberiya Xonıma Reisê Belediya Nurten Arıkan dı semedê keyeyonê feqiron kermes vıraziyena.

Kermes pê sloganê ‘desteg bıdı muhtaci’ u pê destegê xonımonê mudıron ê teşkilatonê sıvilon u teşkilatonê kamu vıraziyena. Waridato ki kermes ra kuweno dest semedê keyeyonê muhtacon xerc beno.

Derheqê mewzu dı hına vaciya; “19 Kanuno Peyin ruej paşeme Parqa Dortyol dı bınateyê seet 12.00 u 17.00 dı kermes tertib bena. Waridato ki kermes ra biyero, ciya ciya mehlayonê şarıstonê ma dı diyeno feqiron. Kermesa ki pê hedefê bınateyê zengin u feqir dı zerr ra yo pırd vıraştış; bınateyê şarê ma dı ruhê yoyi u desteği zıxmkerdış vıraziyena heme şarê ma dewetkerdeyê cı yo. Ma ınkey ra heme xeyrwazonê ki desteg doni kermes u şarê Çolig o ki iştıraqê kermes keno yin ri teşekur keni.”

Anket

Yeni sitemizi beğendiniz mi ?

Evet
Hayır
Normal