SEMEDÊ AWA WERİ XEBATA ÇIMEYONÊ NEWEYON DEST KERD PÊ

Reis Arıkan, semedê ihtiyaciya awa weri ê bajar dest bı xebat kerd, çımeyi awa Kuyê Qertal kritik kerd.
 
Reisê Belediyaya Çolig Erdal Arıkan, çarçiwaya awa Kurık het dı yona aw bajar ardış, qezaya Kanireş (Karlıova) dı Kuyê Qertal dı çımeyonê aw ser tetkik vıraşt.
 
Arıkan, tor ekiba teknik bı kilometreyon pêya cayê omiyayişê aw teqib kerd, erd kritik kerd u cıgêrayişo verin vıraşt.
 
Arıkan, cıgêrayiş ra pey şı dewa Cewan (Kaynak), tiya dı hemwelatiyon dır omı yoca u derheqê çımeyê aw dı melumat guret.
 
Arıkan, cıgêrayişê verini ra pey beyanat da qezetewonon u va, awa Kuyê Qertal tabii ya u semedê weri munasıb a.
 
Reis Arıkan hına qısey kerd; "Semedê ihtiyaciya awa weri ê bajarê ma diyayiş çımeyinê aw ser gêrayişê ma dewom keno. Ma hem mıntıqayê Metan dı hem zi mıntıqayê Kanireş (Karlıova) dı gêreni. Ina çarçiwa dı ma pa ekiba xu Kuyê Qertal dı cıgêrayiş kerd. Aw şına dewonê Cewan (Kaynak) u Baxçe u qısmêkê cı ıni dewon dı baxçe u erazi awdayiş dı şıxuliyena. Awa bin zi heme beraday şına.
 
"Kurık het dı zobi çımeyon peydakerdış mumkun o"
 
Reis Arıkan o ki imkonê 15 kilometre nızdiya Kurık ra aw ın xeti ser kerdış ra behs kerd hına va; "Ma cıgêrayişê xu dı fomkerd ki mumkun o ın çıme ra saniye dı 300 litre aw ilaweyê xetê Kurık bu. Ma ına çarçiwa dı DSİ u teşkilatonê alaqadaron dır yo cıgêrayişo hera vırazeni. Seha dı xebata fizibilite yena kerdış u eğer neticeyêko hol biyero guretış, ilawe beno xetê Kurık ser. Ma semedê destegê cı Reisê Belediyaya Kanireş (Karlıova) Veysi Bingöl u encumenê bajarê ma İbrahim Tutal ri u semedê alaqa u sohbetê yin zi şarê dew ri teşekur keni."

Anket

Yeni sitemizi beğendiniz mi ?

Evet
Hayır
Normal