ŞAR ALAQAYO PİL MUET TİYATROYA ZAZAKİ

Tiyatroya Şehr-i Bingöl ê Belediyeya Çoligi pê kayonê Zazaki  ‘Aqıl Şenık Bar Gırun’ u ‘Hamlet’ veciya sehne. Çoligıcon zaf alaqa muet kayon.

Tiyatroya Şehr-i  Bingöl, zerreyê serra 2017 dı qey tuton u pilon zaf kayi kay kerdi. Bı xısusiyet kayi ki zonê Zazaki dı kay beni şar ra zaf alaqa vineni.

Ekiba Tiyatroya Şehr-i Bingöl, zerreyê serr dı kayi ‘Hawali Alan’, ‘Wesayita Musayit’ u ‘M4hmud’ kay kerdi bi.  Ekib ıka zi pê kaya nuştueğê İngiliz William Shakespeare ‘Hamlet’ u ‘Aqıl Şenık Bar Gırun’ veciyena sehne.

Perdeyê verin dı kaya ‘Aqıl Şenık Bar Gırun’ kay bi. Ina kay yo nêweşxonê gejon dı viyerena u munasebetê gejon u aqılon ra behs kena. Perdeyê dıyın dı zi gejon kaya Shakespeare ‘Hamlet’ kay kerd. Kayi Merkezê Kultur ê Belediyeya Çoligi dı kay biyi. Çoligıcon salon kerd pırr, têkın zi pay ra kay seyr kerd.

Hirina dori veciyena sehne

Ekiba Tiyatroya Şehr-i Bingöl wazena paşt bıdo Zazaki u ıno semed ra kayon xu Zazaki kay kena, pê kayonê ‘Aqıl Şenık Bar Gırun’ u ‘Hamlet’ hema hirina dori veciyena sehne.

Ekib, 29 Konun Verin reuj Cuma saet 18.30 dı Merkezê Kongre ê Universiteya Çoligi dı, 06 Konun Peyin ruej Şeme saet 18.00 dı Merkezê Kultur ê Belediyeya Çoligi dı u 27 Konun Peyin ruej Şeme saet 19.30 dı İstanbul dı Merkezê Kultur ê Bağlarbaşı dı kayon kay kena.

İdarekarê kay Yunus Çiftçi derheqê kayon dı va: “Şar bı xısusiyet alaqa muecneno kayon Zazaki. Ma kaya ‘Aqıl Şenık Bar Gırun’ hiri aşmon dı kerd hazır. Ma wazeni heme kayon xu dı diqet bıonci zonê ma Zazaki ser. Çunki zonê ma Zazaki kota bınê tehlikê.  Ma zerreyê serr dı kayi kay kerdi, şari zaf alaqa muet in kayon. Alaqayê şar ser ra ma kayon xu yê Zazaki hirina dori kay keni. Êyi ki tiyatro ra hes keni u qimet doni kultur, ma yın dewet keni kayon xu. Merdım u teşkilati ki semedê kayon paşt doni ma, ez yın ri teşekur kena.

Anket

Yeni sitemizi beğendiniz mi ?

Evet
Hayır
Normal