ŞAMPİYONÊ GULAŞ BARAKAZİ ZİYARET KERD

Sporbazê Kuluba Yaşamspor Demirhan Tuna, Şampiyoniya Gulaşê Kerron ê Tırkiya dı derecaya yoyın guret. Şampiyon, Reisê Belediyaya Çoligi Yücel Barakazı meqomê yı dı ziyaret kerd.

Demirhan Tuna, çarçıwayê fealiyetonê serra 2018 ê Federasyonê Spor ê Kerronê Tırkiya dı Şampiyoniya Gulaşê Kerron ê Tırkiya dı qategoriya pilon dı derecaya yoyın, qategoriya stilo serbest dı zi derecaya dıyın qezenc kerd. Demirhan Tuna, Reis Barakazi meqomê yı dı ziyaret kerd.

Şampiyoni ri qategoriya astareyon, xuerton u pilon dı 53 kulubon ra 150 sporbaz iştıraq kerd. Barakazi qê ına serfiraziya muhim Tuna tebrık kerd u va, ez paşt duno spor u sporbazon.

Barakazi una dewom kerd, “Kuluba Yaşamspora ki xebata xu ma het dewom kena yona dor bi serfıraz. Lisansê sporbazê ma wextêko nızdi dı vêciya. Sporbazê ma Şampiyoniya Gulaşê Kerron ê Tırkiya qategoriya 87 kilo dı derecaya yoyın, qategoriya stilo serbest dı derecaya dıyın qezenc kerd. Ez sporbazê ma u xocê yı tebrık keno u serfiraziyê yın wazeno.

Rusya dı zi iştiraqê hemberi keno.

Sporbazê Quluba Yaşamspor ê Belediya Demirhan Tuna ına serfirazi ra pey 21 ê Adar dı kueno kampê Taxımê Milli. Tuna, tarixonê 11-17 Heziron ê serra 2018 dı Rusya dı Şampiyoniya Gulaş dı Tırkiya temsil keno.

Tuna, una dewom kerd: “Reisê Belediyaya ma Yücel Barakazi tımotım paşt dono spor u sporbazon. Semedê ıni paşt dayışê yı ez yı ri zaf teşekur keno. Eyru ra tepiya musabaqayon dı qê Bajar u Dewletê xu çı mı ra heyena gereka ez bıkeri.

Anket

Yeni sitemizi beğendiniz mi ?

Evet
Hayır
Normal