REİS XEBITİYENO, ÇOLİG BENO RIND

Reisê Belediyaya Çoligi Yücel Barakazi Parqê Çoligi ya tor gırd Baxçeyê Mılet qontrol kerd u va, “Parqa ki ma guerê imajê Çoligi ya 52 henzar qaremetre erd sera inşa kerda ma pê ına xebat a hem tarixê belediya ê 82 serron ra zaf cayo zergun vıraşt hem zi ına parq mıntıqa dı miyonê parqonê enderon dı cayê xu gureto.”

Reisi Barakazi xebata peyzaji ki Mehlaya Selahaddin Eyyubi Baxçeyê Mılet (Kentparq) dı vıraziyena ına xebat cayê yê dı tetqiq kerd.

Barakazi ita dı beyanatêk da u va, çarçiwayê xebata peyzaji dı heta ınka henzar u 100 heb leyi niyayi rue.

Beyanat dı vaciya, xebata zergunkerdışi dewom kena. Beyanat, una dewom kerd, “Parqê ma ya tor gırd Baxçeyê Mılet dı xebatê ma dewom kena. Parq dı xebata cayê kaykerdışê qıcon, cayê kaykerdışê qıconê xısusiyon, cayê fitnessi, cayê ğıjkerdışi, trambolin, cehdeyê geyrayişi, rayıri bısqıleton, cayê runıştışi u cayê pikniki biya temom. Bad xebata peyzaji ya parqê ma kuena fealiyet. Parqa ki ma guerê imajê Çoligi ya 52 henzar qaremetre erd sera inşa kerda ına parq teyna bajarê ma dı parqa tor gırd niya, mıntıqayê ma dı zi parqêka ender a. Piyerê mehlayonê bajarê ma ra hemwelatiyi ma seatonê şondi dı tor qıconê xu ya yeni ita u bı zerrehati wextê xu viyarneni. Ma rueca ki dest kerd gure ver aya ruec ra zaf ehemiyet doni cayonê zergunon. Ma zaf parqi vıraşti u inon ra wet qısım qısımê bajari dı bı henzar leyi nayi rue. Çarçiwayê xebata peyzaji dı refujo miyonin, kaşon u çatrayiron dı tewır tewır bı se henzar heb vıli niyayi rue.”

“Ma waharê parqonê xu vêc”

Parqi ki hetê Belediyaya Çoligi ra pê 4 milyon lira maliyeti ya temir biyi ıni parqi tehrib biyi.  Reisi Barakazi veng da hemwelatiyon u va, ma parqonê xu ri waharti bıker.

Beyanat dı vaciya, gereka tehribato ki hetê merdımonê nêzonon ra vıraziyeno hemwelatiyi ma vera ıni merdımon vınderi u musade cı nêdi. Beyanat, una qêdiya, “Gereka ma piyer waharê cayonê zergunon bıvêc. Parqi ki pê 4 Milyon TL yatırımi ya temir biyi ê parqi hetê merdımonê nêzonon ra tehrib biyi. Gereka vera ıni merdımonê nêzonon hemwelatiyi ma ê zonayê vınderi. Kom ki bıvino parqi hê tehrib beni gereka ê ki parqon tehrib keni ikaz bıkeri u xeber bıdi ma. Parqonê ma dı xebata temir dewom kena. Bunyeya Mudirtiya Parq u Baxçeyon dı yo ekiba mobil niyaya rue u ına ekib malzemeyo ki tehrib biyo wextêko kılm dı temir keni. İnon ra wet hemı parqonê ma dı xebatê ma bı intizam dewom kena. Ma wazeni ki hemwelatiyi ma ê zonayê ına dehkera dı desteg bıdi ma.”

Anket

Yeni sitemizi beğendiniz mi ?

Evet
Hayır
Normal