REİS ARIKAN ZİYARETONÊ ESNAF RÊ DEWOM KENO

Reis Arıkan va; “Esnaf u hemwelatiyon ziyaretkerdış qısımêko muhim ê gureyê ma yo. Ma ziyaretonê xu rê dewom keni. Fıkıri ki şarıstonê ma aver beni, ma gueştariya ê fıkıron keni.” 

Reisê Belediyaya Çoligi Erdal Arıkan, çarçiwaya esnaf u hemwelatiyon dır yoca omeyiş dı esnafê mehlaya Yenişehir ziyaret kerd. 

Esnaf u hemwelatiyon zaf alaqa muet Reis Arıkan. Reis Arıkan, gueştariya esnaf u hemwelatiyon kerd u semedê safibiyayişê meselayonê yin talimat da ekibê xu. Reis Arıkan, derheqê xızmetonê Belediya dı melumat da hemwelatiyon u fıkıri ki derheqê projeyon dı hemwelatiyon cı ra vati, yi zi yo bı yo qeyd kerdi.

Arıkan ziyaret ra pey derheqê ziyaret dı qısey kerd u va çıqas fırset bıbo ez semedê gueştariya esnaf u hemwelatiyon kerdış u meselayonê yin safikerdış yin ziyaret keno.

Reis Arıkan, esnafon pê keyf ziyaret kerdış ser vındert u va; “Ma eyro esnafê mehlaya Yenişehir ziyaret kerd u ma semedê gureyê yin bereket waşt. Ma waştışê hemwelati u esnafê xu, yo bı yo not kerd u sewqê qısımonê alaqadaron kerd. Fıkırê hemwelati u esnafê ma semedê ma zaf muhim o. Ma çarçiwaya ıni fıkıron dı şıkıl doni projeyonê xu. Ma tımotım şarê xu dır mışorı keni, ma hem behsê xızmetonê belediyaya xu keni hem zi proje u xızmeti ki şarê ma wazeno ma şıkıl doni yın.”

Reis Arıkan ziyaretonê xu ri dewomkerdış ra behs kerd u va; “Ma çarçiwaya plan dı ziyaretonê xu ri dewom keni.  Esnafi ma yi ki ma hema nêeşkayi yin ziyaret bıker ma yin zi ziyaret keni u gueştariya yin zi keni. Wa zerra çıkesi ma ra nêmono. Her esnaf u hemwelatiyê ma, ma het zêpi wayirê qıymeti yo.”

Anket

Yeni sitemizi beğendiniz mi ?

Evet
Hayır
Normal