REİS ARIKAN XELA DA SPORBAZON

Reis Arıkan, sporbazi Quluba Yaşamspori ki musabaqayonê final ê Liga Kros ê Mıntıqa dı kategoriya qıcon ê lajon dı dereceya 2yın ê Tırkiye guret u kategoriya comêrdonê astareyon dı derecaya 6 ın ê Tırkiye guret nimzerd u çeyrek zerd cı ri kerd xela.

Reisê Belediyaya Çoligi Erdal Arıkan, sporbaz u antrenori taxımê kros ê Quluba Yaşamspor ê Belediyaya Çoligi qebul kerdi.

Ziyaret dı Koordinatorê Spor ê Belediya Metin Karaarslan derheqê maçon dı melumat da Reis Arıkan u hemberiya pêyın ê sezon ê Liga Kros ê Mıntıqa ê Bınateyê Qulubon dı serfıraziyêka muhim guretış ra behs kerd.

Karaarslan va, maçonê final dı kategoriyonê qıconê lajon u comêrdonê astareyon dı 16 taxımon u pê sporbazonê şexsiyon her dı kategoriyon dı 81 sporbazi hemberi kerd. Taxımê Kros ê Yaşamspor kategoriya qıcon ê lajon dı dereceya 2yın ê Tırkiye, kategoriya comêrdonê astareyon dı zi derecaya 6ın ê Tırkiye guret u serfıraziyêka muhim eşt xu dest.

Reis Arıkan “Ma paşt doni spor u sporbazon”

Reis Arıkan brifing ra pey sporbazi u antrenori yin tebrik kerdi u semedê serfıraziya yin a muhim nimzerd u çeyrek zerd kerd sporbazon a.

Reis Arıkan her qısım dı serfıraziya Quluba Yaşamspor ra behs kerd u va; “Quluba ma ya Yaşamspor şarıstonê ma pê serfırazi temsil kena; serfıraziyi ay sareyê ma keni berz. Semedê Liga Kros ê Mıntıqa ê Bınateyê Qulubon pê serfıraziya muhim qedinayiş ez sporbaz u antrenoronê yin tebrik keno u ez hivi keno ruejonê verniya ma dı hina zaf beni muwefeq.”

Reis Arıkan paşt spor u sporbazon dayiş ser vındert u va; “Semedê nomeyê şarıstonê ma pê spor vatış, cıwononê ma teşwiqê sporkerdış u qabiliyetê xu kışf kerdışê yin ri desteg biyayiş çı ma dest ra biyero ma keni.”

Anket

Yeni sitemizi beğendiniz mi ?

Evet
Hayır
Normal