REİS ARIKAN, XEBATİ SERVIRAZİ TETKİK KERDİ

Reis Arıkan, xebati servırazi cayê cı dı tetkik kerdi u va “xebati servırazi u bınvıraziyi ki weziyetê ihaleya cı temom biyo, ma dest bı vıraştışê yin kerd.”

Reisê Belediyaya Çoligi Erdal Arıkan, xebati servırazi cayê cı dı tetkik kerdi u ekibon ra melumat guret. Reis Arıkan, verco Mehlaya Afaton dı mewqiyê parka Seidê Nursi dı xebata pêyarayir u rayir tetkik kerd dıma Mehlaya Mirzan u Yenimehla dı xebata parke tetkik kerd u ekibon ra melumat guret.

Reis Arıkan tiya dı beyanat da u va çarçiwaya xebatonê servırazi dı goma verin dı 134 hezar qaremetre asfalt, 75 hezar qaremetre kerraya parkeya kılit u 15 kilometre pêyarayir giryayo program.

Reis Arıkan hına qısey kerd; “Derheqê BSK asfalt, kerraya parkeya kılit, rayir vıraştış u temirkerdış, xetê awa şıli, xetê şebeke u qenalizasyon dı gureyê ihale temom bı. Rayiri ki riyê xebatonê qazê tabii, Telekom u ceyron ra xerıpiyayi ma yin temir keni. Eyni wext dı ma kêmasiyonê mehlayonê xu zi temom keni. Heto bin ra çarçiwaya  xebatonê servırazi dı têkı cehde u kuçeyonê ma dı asfalta germın bena ru. Rayiri ki semedê imar newe bi a, ê rayiri zi pê kerraya parkeya kılit vıraziyeni u pêyarayiri neweyi vıraziyeni.”

Anket

Yeni sitemizi beğendiniz mi ?

Evet
Hayır
Normal