REİS ARIKAN TEFERUATON RA BEHS KERD

Reisê Belediya Arıkan va, "Ma Wezirê Dormale u Bajari dır qısey kerd, ma ciya ciya alternatifon ser vınderti. Ma derheqê ıni alternatifon dı wayironê heq dır qısey keni u bı holi proje doni dest pêkerdış."
 
Reisê Belediyaya Çolig Erdal Arıkan projeyê bajar newekerdış ê mehlaya Afaton ser Wezirê Dormale u Bajari Murat Kurum dı mışoreyê xu ra behs kerd u derheqê teferuaton dı melumat da.
 
"Belediya teyna nêşkena ıno bar werado"
 
Arıkan projeyê bajar newekerdışo ki wextê idareyê verin dı ihaleya cı bibi u muameleyê ca teslim kerdışê cı temom bibi barêko gıron biyayişê cı ser vındert u va; "Ma seni dest bı wezife kerd ma evzeli da projeyê bajar newekerdış u ma proje her het ra kritik kerd, ma raşt bı yo weziyeto zaf xırab omeyi. Planê butceya cı nêvıraziyayo, qet semedê se ra 10 ê cı zi finans temin nêbiyo u ihaleya cı temom biya u yem omeyo eştış. Ez wazeno ınay zaf zelal vaci, Belediyaya Çoligi teyna nêşkena ıno bar werado. Ino weziyet dı ma semedê destegê Wezaretê Dormale u Bajari guretış zaf xebıtiyeni."
 
"Ciya ciya alternatifi kritik beni"
 
Reis Arıkan teferuatonê Wezirê Dormale u Bajari Murat Kurum dır mışorı ra behs kerd u hına qısey kerd; "Ma Paştmirê Reisê Ak Parti Cevdet Yılmaz u wekilê ma Feyzi Berdibek dır ruec sêşeme Wezirê Dormale u Bajari Murat Kurum dır mışorı kerd. Ma teferuatonê proje ra u weziyeto ınkayin ra behs kerd. Mışorı zaf hol viyert u ma ciya ciya alternatifon ser vınderti. Pere wayironê heq dayiş ra, piya xebata belediya u wezareti, alternatifa TOKİ ra heta vera qat vıraştış zaf ixtımalon ser ma vınderti. Ma bê inan zobi fıkıron ra zi behs kerd. Ma inon hemın bı zelali wayironê heq dır qısey keni, yin dır mışorı keni, rayiro tor hol tesbit keni u dest bı proje keni."
 
“Mudeyê kira yeno dergkerdış”
 
Reis Arıkan, kirayi ki hema nêdiyayi zerreyê hefteyê verniya ma dı diyayişê ê kirayon ra behs kerd u va; "Ma weziyetê kira wezirê xu ra va, kirayi 3 aşmon ê wayironê heq ki nêdiyayi zerreyê hefteyê verniya ma dı yeni dayiş. Mudeyê kirayo ki aşma keşkelon dı qediyeno semedê ê mudeyi dergkerdış wezaretê ma paşt dono ma. Ma ıno mewzu dı Wezaretê Dormale u Bajari ra suez guret. Homa biyar weri heta temombiyayişê proje destegê kira dewom keno."
 
"Wayironê heq ra heyet niyeno ru"
 
Reis Arıkan va, semedê dest bı projekerdış qet yo mazeret çin o; labelê gereka xetayi duenıma verin guêşon ser niyeri texernayiş u hına qıseykerd; "Çı heyf belediya erziyaya bınê barêkê zaf gıroni, planê butce nêvıraziyayo u dest bı xebat biyo. Ma semedê çıkesi meğdur nêkerdış u bı raşti dewombiyayişê proje heme çi keni. Wayiri heqi xu miyan dı yo heyet noni ru, ıno heyet ma dır xebıtiyeno u derheqê bajar newekerdış dı beno wayirê heme melumaton. Guretışê yo qerarê holi ra pey rayiro ki kıfş bıbo derheqê ınay dı melumat diyeno heme wayironê heqi u yo fıkıro şirık ra pey gom erziyena. Ma vineni ki têkı merdımi ki wayirê heq niyi xu zê wayirê heq muejneni ra, şari fit keni u wazeni verniya ıno cehdeyê ma bıgêri. Labelê ma qet gueş ıno fitkerdışon ra nêkuweni u semedê menfeetê wayironê heqi xebıtiyeni. Wa qet çıkes zerr ra xebata ma ra şık nêkeru, gureyê ma yo tor evzel ıno proje yo u bı qeydeyo ki wayiri heqi meğdur nêbi ma ıno proje temom bıker çı ma dest ra biyero ma keni." 

Anket

Yeni sitemizi beğendiniz mi ?

Evet
Hayır
Normal