REİS ARIKAN: "İLTİMAS NÊBENO"

Reis Arıkan personelê zabıta dır omı yoca u va, "Ma neheqi zi nêkeni iltimas zi nêkeni. Ma mesuliyetê xu oni ca, tertib u disiplin muecneni ra. Selahiyet u mesuliyeto ki şar dawo ma, ma bı şeklo tor hol oni ca." 
 
Reisê Belediyaya Çolig Erdal Arıkan çarçiwaya kombiyayişonê zerreyê teşkilat dı personelê Mudırtiya Zabıta dır omı yoca. Arıkan, gueştariya waştış u meselayonê personelê zabıta kerd u yın ra çarçiwaya heq dı wezife u mesuliyetê caardış waşt.
 
"Bı şeklo tor hol mucadele beno"
 
Reis Arıkan, bıxısusiyet vera işğalbiyayişê pêyarayiron u vıraşteyonê qeçaxon mucadele ser vındert u hına qıseykerd, "Tor zaf derheqê işğalê pêyarayiron u vıraşteyonê qeçaxon dı gerre reseno ma. Ma çarçiwaya heq dı tigêrêni. Ma heqaret zi nêkeni ma iltimas zi nêkeni. Ma teftişon ziyedneni u bajarê xu rê bı şeklo tor hol xızmet keni. Ma qanun semedê herkesi tetbiq keni. Ma çıkes rê heqaret zi nêkeni iltimas zi nêkeni u ıno qeyde gureyê xu keni. Ma mesuliyetê xu oni ca; cidiyet, disiplin u tertib muecneni ra."
 
Arıkan çarçiwaya mesuliyet dı tigêrayiş ser vındert u va, "Lazım o ekibi ma yi zabıta wezifeyê xu bı şeklo tor hol biyari ca. Ez wazeno ıney eşkera vaci, şari selahiyet da ma, ma zi ıno selahiyet semedê xızmet u bı şeklo tor hol şıxulneni. Ma itibarê şarê xu hewa ra nêverdeni. Ma piya ıno mesuliyet geni xu ser u bajarê xu rê, şarê xu rê xızmet keni." 

Anket

Yeni sitemizi beğendiniz mi ?

Evet
Hayır
Normal