REİS ARIKAN ESNAFON ZİYARET KENO

Reisê Belediyaya Çoligi Erdal Arıkan: "Ma ferq nierzeni binateyê qet yo hemwelati u esnafê xu. Ma herkesi zêpi vineni. Teyna yo hedefê ma esto, Çoligıjon u Çolig ri xızmet."
 

Resiê Belediyaya Çoligi Erdal Arıkan, esnafê cehdeyê İnonu u Beşyol ziyaret kerdi.

Esnaf u hemwelatiyon alaqayo pil muet Reis Arıkan. Reis Arıkan gueştariya gerre u waştışonê esnaf u hemwelatiyon kerd u semedê safibiyayişê meselayonê yin talimat da.

Reis Arıkan ziyaretê xu dı hem esnafon dır sohbet kerd hem gueş na mesela u waştışonê yin ser.

Arıkan cuwa pey derheqê ziyaret dı qısey kerd u va, semedê gueştariya esnafon u hemwelatiyon kerdış u meselayonê yin safikerdış çıqas fırset ma dest kuero, ma esnafon u hemwelatiyon ziyaret keni.

 

"Qısımo tor muhim ê gureyê ma wo"

Reis Arıkan va, ma çıqas fırset bıvin ma hemwelatiyon u esnafê xu pê keyfêko pil ziyaret keni, ıno qısımo tor muhim ê gureyê ma wo. Arıkan hına dewom kerd; "Dest bı wezifekerdış ra nat çıqas fırset kueno mı dest, ez yeno hemwelatiyon het, gueştariya esnafê ma keno. Ma qet ferq nierzeni bınateyê yo esnaf u hemwelati. Teyna yo hedefê ma esto: Çoligıjon u Çolig ri xızmetkerdış. Ma semedê piya Çoligê xu eraverberdış cehd keni."

Arıkan ziyaretonê xu ri dewomkerdış ser vındert u hına qal kerd; "Ma çarçiwaya yo plan dı ziyaretonê xu ri dewom keni. Esnafi ma yi ki ma hema fırset nidiyo u yi ziyaret nikerdi, ma yin zi ziyaret keni u gueş noni mesela u waştışonê yin ser. Ma ın mewzu dı zerra çıkesi ma ra nimonu, heme esnaf u hemwelatiyi ma, ma het dı zêpi muhimi u wayirê qıymeti."

Anket

Yeni sitemizi beğendiniz mi ?

Evet
Hayır
Normal