RAYİRİ BENİ NEWE

Belediyaya Çoligi, xebatonê asfalto germın, kerrayonê parke, pêyarayir u temirat ri dewom kena.
 
Belediyaya Çoligi, xebatonê xu yê  servıraziyi ki weziyetê bajar bedılneni ri dewom kena. Reisê Belediya Erdal Arıkan, Mehlayonê Afaton, Baxçelievler u Yenimahla dı xebati tetkik kerdi, ekibon ra melumat guret u bı diqet dewomiya xebaton waşt.
 
Xebati Asfalt Zêdiyeni
 
Reis Arıkan, Mehlaya Afaton dı dewomkerdışê xebata asfalt u kerraya parkeya kilitın ra behs kerd u va, şıxulyayişê asfalto germın zidyeno.
 
Reis Arıkan, Mehlaya Afaton ra pey Cehdeyê Kurtuluş o ki Çatrayirê Tuğay ra heta Çatrayirê Afaton o, ê cehdeyi asfaltkerdış ra behs kerd u hına qısey kerd; "Mehlaya İnalı, Mehlaya Recep Tayyip Erdoğan dı Cehdeyê Universite u cehdeyê Aydınlık dı asfalto germın beno ru. Dıma zi cayi ki gereka lez asfalt bıbi ê cayi asfalt beni."
 
Reis Arıkan pê runayişê plentê asfalt hina lez ca omeyişê xızmetonê servırazi ser vındert u va; "Ma semedê xızmetonê asfalt hina bı sıhet, hina lez u hina bı qalite ca ardış plentê asfalt vırazeni. Ma pê destegê Wezaretê Dormale u Bajari plentê asfalt vırazeni u ına saye dı rayironê heme mehlayonê xu keni newe."
 
Reis Arıkan, Mehlayonê Mirzan, Baxçelievler u Yenimehla dı dewomkerdışê xebata kerraya parkeya kılitın ra behs kerd u va; "Ma mehlayonê xu dı gıroni da xebata rayir, pêyarayir u asfalt. Ekibi ma çarçiwaya plan dı tigêrêni u semedê hemwelatiyonê ma ri hina hol xızmetkerdış cehd keni. Wext ma xebaton ca dı teqib keni fırsetê hemwelatiyon dır sohbetkerdış u gueştariya waştış u meselayonê yın kerdış zi kuweno ma dest. Wa hemwelatiyi ma qet şık nikeri ki ma waştışonê yin dır beni alaqadar. Ez heme hemwelatiyonê mehla ri teşekur keno ki wextê xebata servırazi dı paşt doni ekibonê ma." 

Anket

Yeni sitemizi beğendiniz mi ?

Evet
Hayır
Normal