QEY SAETON HİŞYARİYA CEMEDİ

Belediyaya Çoligi va rueci ki hewa bınê sıfır derece kuwero, beno ki sAeti aw bıcemıdi u hişyari da hemwelatiyon.

Guerê eşkeraya Koordinatoriya Medya u Munasebetê Şari ê Belediyaya Çolig, rueci ki cemed bıbo gereka çırıki yo mude akerdı bımoni.

Eşkera dı hına vaciya, “Eger saeti bıcemıdi gereka pê awa germın ya zi pê adır mudaxele nêbıbo. Ino weziyet çırıkon u bueriyon teqneno u ınay ra zi xesara mali vıraziyena.”

Guerê eşkera gereka hewawo serd dı şebeke dı aw nêmono, semedê ınay zi gereka şıxulyayişê aw ra pey çırıki yo mude akerdı bımoni. Ino weziyet qey xızmeto daimi muhim o.

Eşkera hına dewom kerd, “Mıhafezeyê saeton wezifeyê hemwelatiyon o. Semedê meğdur nêbiyayiş lazım o aboneyi saetonê xu hewayo serd dı pê malzemeyê izolasyon mıhafeze bıkeri. Hewawo zaf serd dı gereka çırıki bınêk akerdı bımoni. Eger aboneyi tedbir nêgêri,  beno ki saeti serd ver bıteqi. Temirê ıni saeton zi vay o. Saeti ki bedenê cı bıteqo temirê cı mumkun niyo. Bê ınay xesara aw zi yena meydon. Saeti u tesisato ki bıcemıdiyo gereka adır pa nêniyo u awa germın peru nêbiyo.

Qey Şoforon Hişyariya Cemedi

Eşkera dı semedê şoforon zi hişyari diya u hına vaciya: “Guerê texminon bajar u mıntıqayê ma dı cemed vıraziyeno. Bı xısusiyet saetonê şew dı hewa nışka ra beno serd,  hemwelatiyi ki wesayit romeni gereka vera cemedi hişyar bi u diqet bıkeri. Bı xısusiyet bê tekeronê vor trafik nêveciyayişê şoforon zaf muhim o.”

Anket

Yeni sitemizi beğendiniz mi ?

Evet
Hayır
Normal