QEY PROJEYONÊ BELEDİYA DESTEGO PİL

Reis Arıkan xızmeti u tesisi ki Çolig dı lezabez ihtiyaci bı yin esta derheqê yin dı brifing da Wezir Kurum u qey projeyon her het ra Wezir ra desteg guret. Semedê qaliteyê rayiron zidnayiş tesisê plentê asfalt, tesisê paraw şalkerdış o ki heta serra 2050 ihtiyaciya Çolig viyarneno u projeyo verin ê Tırkiya ê wadiyê şar viyereni fealiyet.

Reisê Belediyaya Çoligi Erdal Arıkan, Çolig ziyaretkerdışê Wezirê Dormale u Bajari Murat Kurum ra pey derheqê ziyaret dı qısey kerd.

Reis Arıkan va, seretiya Wezir Kurum dı kombiyayiş viraziya; kombiyayiş dı projeyi ki ihtiyaciya bajar bı yin esta derheqê yin dı ma melumat da Wezir u derheqê zaf projeyon dı ma desteg guret.

Projeyê Bajar Newekerdış

Reis Arıkan, tor Wezir Kurum u ekiba yi sehaya projeyê bajar newekerdış dı gêrayiş u wayironê heq dır yocaomeyiş ser vındert u va; “Ma programê Merkezê Kultur dı weziyetê ınkayin ser vınderti u ma gueştariya wayironê heq kerd. Wezirê Dormale u Bajari Murat Kurum wayirtiya proje kerd va derheqê meğduriyetê wayironê heqi viyarnayiş dı ma her het ra desteg doni. Homa biyaro weri ma bı Wezaretê xu, Walitiya xu, Wekilonê xu u wayironê heq u pê aqılo şırik heme meselayonê xu keni safi.”

Projeyo Newe ê Tesisê Şalkerdışê Paraw

Reis Arıkan, ziyedê qapasite xebıtiyayişê tesisê şalkerdışê paraw ser vındert u hına va; “Pê cayonê neweyon omara keyeyonê ma resawa 32 hezar u 328. Tesisê ma ziyedê kapasite xebıtiyeno. Ma zi Wezirê xu ri arz kerd ki bı cayonê cuyayişê ıkayinan cayi ki newe ra semedê cuyayiş imarê cı vıraziyeno, qey ıni heme cayon ihtiyaciya ma bı yo tesiso newe esta u ma Wezirê xu ra desteg guret. Pê hibe u krediyê Bankaya Şarıstonon ma yo tesisê şalkerdış vırazeni. In tesis heta serra 2050 ihtiyaciya şarıstonê ma vineno.”

Projeyê Plentê Asfalt

Reis Arıkan, semedê qaliteyê rayiron ziyednayiş, xızmetonê servırazi hina bı qalite u ercon vıraştış destegê plentê asfalt guretış ser vındert u va; “Çarçiwaya runayişê tesis dı ma Bankaya Şarıstonon ra 4 milyoni lira hibe u 4 milyoni zi pê faizo kêm destegê kredi geni. Wext ma projeyê plentê asfalt bıerz fealiyet ma hem pê qalite u pê maliyeto kêm gurı keni u hem zi xızmetonê xu yê servırazi hina bı plan u lez keni.”

Projeyo Verin ê Wadiyê Şar

Reis Arıkan va projeyê Wadiyê Cebexçur o ki semedê Çoligi yo projeyo stratejiko derheqê cı dı ma bı hirayi melumat da Wezir Kurum u hına dewom kerd; “Wadiyê ma 235 hektar ser o, ma çarçiwaya etab bı etab tertibkerdış dı semedê muameleyonê istimlak 20 milyon lira desteg geni. Ino 20 milyon ra 10 milyon lira TOKİ dona, 10 milyon lira zi Bankaya Şarıstonon dona. Pê destegê Wezirê ma Tırkiya dı Wadiyê Verin Çolig dı vıraziyeno.”

Projeyê Bononê Bınê Riski Newekerdış

Reis Arıkan, Mehlayonê Saray u Karşıyaka dı hetê erdlerzi ra bınê risk dı biyayişê 20 hezar bon u semedê inan çarçiwaya projeyê bajarnewekerdış dı newe ra vıraştış desteg guretış ra behs kerd u va; “Boni ki 30 serr veri vıraziyayi u erdlerzê 2003 dı zırar diyo u ameyi vengkerdış, yin newekerdış ser waştışê ma qebul bı. Yo ekiba şırika ki bınateyê Wezaretê ma u Belediyaya ma dı niyena ru wayironê heq dır yeni yoca u çarçiwaya rızaya hemwelatiyonê ma dı ma projeyê bedılyayişi erzeni fealiyet.”

Wezir Kurum Ri Teşekur

Reis Arıkan, ziyaretê Çolig dı hem projeyonê Belediya hem zi projeyonê teşkilatonê binon ê kamu hol diyayişê Wezir Kurum ra behs kerd u va; “Ez semedê bajarê ma ser alaqa u hesasiyetê cı u ekiba cı Wezirê ma Murat Kurum ri zaf teşekur keno. Projeyi ki ma semedê şarê xu ri xızmet erzeni fealiyet wa şarıstonê ma ri bımbarık bi.”

Anket

Yeni sitemizi beğendiniz mi ?

Evet
Hayır
Normal