QEY İTFAİYE WESAYİTA 32 METREYIN GÊRİYA

Reisê Belediyaya Çoligi Yücel Barakazi, yo wesayita itfaiyeya ki merdiwona cı heta 32 metre bena berz, yo wesayita qanal akerdış u 2 wesayiti cınaza semedê Mudırtiya İtfaiye gureti.

Reisê Belediyaya Çoligi Yücel Barakazi, wesayiti neweyi ki mudeyêk ra ver semedê Mudırtiya İtfaiye omê guretış tetkik kerdi.

 “Wesayitêka hınayin dora verina yena Çolig”

Barakazi, tıya dı yo beyanat da u va wesayita itfaiyeya ki berziya merdivona cı resena 32 metre u ihtiyaciya itfaiye pê bibi, ma daxılê filoya itfaiye kerd.

Barakazi hına qısey kerd: “Wesayita ki her het ra bı teçhizat a, ma ser 887 hezar lira bi mal. Wesayita ma dı qapasiteya hezar ton dı depoyê aw u tanka kewi esti. Wesayita ma dı sistemê heme kontroli elektronik o. Wesayit dı yo sistem esto ki wext hewa biyero verniya leqayişê merdivon geno heto bin ra zi sistemê wesayit eyar dı vındarnayiş esto.  Pê ıni xısusiyeton wesayita ma standardê Awrupa dı ya. Xısusiyeto tor pil ê wesayita ma, merdiwona cı heta 32 metreyi bena berz. Wesayiti ma yi verini 28 metre bi u nêresên binayonê 8 qaton. Pê ına wesayita 32 metreyin, sarı dı binayi TOKİ ê merkez, hıni bı reheti mudaxele çatiyonê heme binayon beno.”

Barakazi, wesayita vidanjor u 2 wesayitonê cınaza ra behs kerd u hına va:” Halhazır yo wesayita ma ê qanal akerdış bibi. Pê ına wesayit semedê qanal akerdış hıni wesayiti ma biyi 2 hebi u ına saye dı hıni hemwelatiyi ma hina lez xızmet geni. Maliyetê ına wesayita ma zi 418 hezar lira wo. Bê ınay, Mudırtiya Sıhet ê Bajar ra semedê wesayita cınaza ser açarnayiş 2 ambulansi omê gırotış. Bı ıni wırdi wesayiton a, wesayiti ma yi cınaza beni 4 hebi u hina hol xızmet dıyeno hemwelatiyonê ma.”

 “Filoya wesayitonê ma hina zıxm a”

Barakazi, filoya wesayitonê Belediya ra behs kerd u hına va: “ Wext ma dest bı wezife kerd, o ruec ra nat ma tımotım qiymet da filoya wesayiton. Ma 41 wesayiti daxılê filoya xu kerdi u piser dı wesayiti resayi 103 hebon. Ma ihtiyaciya teknik u techizatê Mudırtiya İtfaiye u Mudırtiya Makine İkmal viyarna.  Pê zidyayişê wesayiton qaliteyê xızmetê ma zi zidya. Ina çarçiwa dı ma semedê wesayitonê xu zidnayiş u parkê xu herakerdış xebıtiyeni. Wesayiti ma çarkenarê bajarê ma dı qey şarê ma ri xızmet xebıtiyeni. Wa wesayiti ma yi neweyi qey bajarê ma bımbarık bi.”

Anket

Yeni sitemizi beğendiniz mi ?

Evet
Hayır
Normal