QEY BONONÊ TOKİ DESTURÊ VIRAŞTIŞİ NÊDIYENO

Mutahidi ki wazeni bononê TOKİ weşoni u cayonê zergunon zi daxılê cı bıkeri u newe ra bonon vırazi, belediye cewabo qeti da yin: Qey vıraştışi destur nêdıyeno!

Koordinatiya Medya u Munasebetê Şar ê Belediyeya Çoligi va, “Boni ki erdlerzê 2003 ra pey hetê TOKİ ra mehlaya Recep Tayyip Erdoğan dı vıraziyê, eger ıni boni biyeri weşayiş semedê vıratışi destur nêdıyeno.”

Eşkera dı hına vaciya: Mutahidi wazeni adaya 9. ê bononê TOKİ dı 4 blokon weşoni u newe ra vırazi. Ina çarçiwa dı mutahidi semedê wayironê bonon dır weriomeyiş cehd keni.  Cayi ki verni u peyniya bonon dê , wazeni ın cayon ser zi inşaat vırazi. In weziyet hetê belediyeya ma ra niyeno qebulkerdış.

Wayironê Bonon Rê Mesaj

Eşkera dı vaciya ki wayirê bonon heta mesuliyeto qanuni ê proje nêmusi wa mutahidon dır weri niyeri u wa yin dır muqawele imza nêkeri.

Eşkera hına dewom kerd: “Qerarê Wezaretê Dormale u Bajari ê ‘nizamnomeyê imar ê cayonê planbiyayon dı bedılyayiş’ omara 30196 ê Qezeteyê Resmi dı neşır biyo u viyerto tetbiq. İnşaat u tedilati planoni ki ın tarix ra pey vıraziyên,çarçiwaya ın nizamnome dı yeni vıraştış. Lazımo wayirê bonon semedê nizamnome u muameleyon dı melumat guretış muracatê Mudırtiya İmar u Bajari bıkeri. Heto bin ra cayi zerguni ki verni u peyniya bonon dê, bı qetiyet nêbeni cayi inşaat. Bloki TOKİ yi ki erdlerzê 2003 ra pey vıraziyayi, qet cayêkê yin dı zi destur nêdıyeno gurêko hınayin. Ma wazeni wayirê bonon ın mewzu dı pê hesasiyet têbıgêri.

Anket

Yeni sitemizi beğendiniz mi ?

Evet
Hayır
Normal