QÊ PROJEYA ENERJİYÊ TİC İMZA ERZİYA

Muqaweleyê Projeya santralê enerjiyê tic imza bı. Belediyaya Çoligi qê enerji hesıl kerdış, xebatonê xu ri dewom kena. Projeya çuep ra enerji hesıl kerdış nızd ra bena temom.

Reisê Belediyaya Çoligi Yücel Barakazi, Reisa Dernega Fealiyetê Vıraştış u Mışawırti ê Enstituya İdareyê Mehelli Halime Başer u idarekari derneg meqomê xu dı mısafır kerdi.

Barakazi, kombiyayışê muqaweleyê Projeya Santralê Enerjiyê Tic dı qısêy kerd u va: “Proje, 103 welç erd sera vıraziyena; qê enerjiyo ki newebiyayişê cı mımkuno hesıl kerdış sermayedariya ma dewom kena.”

Barakazi va: “ Etaba verina proje pê 6 milyon u 500 hezar lira sermayedari kuwena fealiyet. Etaba vêrin dı 20 welç erd sera santralê enerjiyê tic vıraziyena u seat dı 1 megawatt enerji hesıl beno. Etaba vêrin ê proje fealiyet eştış ra pey ma serr dı 500 hezar lira pere qezenc keni. Bad temom biyayışê etaba vêrin, ma muracatê Wezaretê Enerji u Çimeyonê Tabii keni u 103 welç erd sera santralê enerjiyê tic vırazeni. Bad hemê proje temom kerdış seat dı 5 megawatt enerji hesıl beno, serr dı zi 2 Milyon u 500 hezar lira pere qezenc beno.”

Barakazi hına dewom kerd: “Bad proje fealiyet eştış, belediyaya ma qezenco pil erzena xu dest. Ma pê ına proje hem enerjiyê xu hesıl keni hem zi desteg doni butçeya belediya. Ma xebatonê xu ri bı hedefê “enerjiyo ki ma xerc keni ê enerji ra zaf enerji hesıl kerdış” dewom keni. Ma pê projeya ki sermayeya cı 50 Milyon lira ya u çuep ra enerji hesıl keni u pê Projeya Enerjiyê Tic hem bajar dı dora verin projeyonê hınayinon vırazeni hem zi ma enerjiyê xu xuser hesıl keni. Wa Projeya Enerjiyê Tic bajar u welatê ma ri bıxeyr bu.”

Reisa Dernega Fealiyetê Vıraştış u Mışawırti ê Enstituya İdareyê Mehelli Halime Başer zi derheqê proje dı qal kerd u va: “Projeyi enerji hesıl kerdış qıymetê bajari ziyedneni.”

Başer qalkerdışê xu hına qêdina: “Dernegê ma qê feydeyi istimlaq u desteg dayışê iderakariya meheliyon ser, serra 1989 dı niyeya rue. Dernegê ma qê enerji hesıl kerdış, zaf projeyi vısti fealiyet. Semedê projeyê Belediyaya Çoligi fealiyet vıstış çı ma ra biyero ma keni. Bad muqawele imza kerdış u cayê proje teslim kerdış a zerrê 120 ruec dı ma goma ronayişê proje keni temom. Wa proje Çolig u dewletê ma ri wesileyê xeyron bu.”

Anket

Yeni sitemizi beğendiniz mi ?

Evet
Hayır
Normal