PÊYARAYİRON İŞĞAL MEKERÊN

Reis Arıkan esnafê qehweyon dır omı yoca u va, “Se ra 90 ê şarê ma safibiyayişê işğalê pêyarayiron wazeno. Ma gerek ınay safiker. Ma wazeni verco diyalog u mışorı bıbo; labelê ê ki gueş pa nêkueri ceza weni. Remezon ra pey teftişi hina zaf zidyeni.”

Reisê Belediyaya Çolig Erdal Arıkan, Paştmironê Reis Yaşar Demir, Ahmet Altunhan u Wekilê Reis Sait Kolak esnafê qehwe dır ome yoca.

Arıkan tiya dı qısey kerd u va, vera çarşu dı işğalê pêyarayiron xebata muhim bena.

Reis Arıkan, pê fıkırê piya idarekerdış tigêrayiş ra behs kerd u va, “Meselayonê muhimonê bajarê ma ra yo zi işğalê pêyarayiron o. Ma wazeni ına mesela pê mışorı u diyalog bıkeri safi. Ma mudeyê vicinayiş dı, bı aşmon gueş na hemwelatiyon ser. Se ra 90 ê şarê ma işğalê pêyarayiron ra ecız o u wazeno ına mesela lezabez safi bo.  Teyna şıma dır nê, ma herkesi dır mışorı keni u ına mesela keni safi.”

“Ma xızmetkarê şarê xu yi”

Arıkan hına dewom kerd, “Derheqê işğal u vıraşteyonê qeçaxon dı zaf gerre esto. İşğali ciniyon u seqetonê ma erzeni tengasi. Ma wazeni pê niyetêka hol, neheqi ra dur, bêferqiyet u pê destegê şıma ına mesela bıker safi. In memleket ê ma hemın o. Cayi ki herkes tera şıno ma nêeşkeni ê cayon bıker teng. Ma wazeni bajar dı yo tertib bıbo. Ma aşma Remezan dı bınêk sıst tigêreni; labelê şıma zi pêyarayiron her het ra işğal mekerên, bıxısusiyet masa u kursı meerzên rayiron. Ma destur nidoni ınay. Ma Remezon ra pey teftişon zidneni. Ma işğalê pêyarayir ra heta cayonê bêruhsaton teftişon zidneni. Cayi ki bêruhsati ma cı ri mude noni ru. Cayi ki bêruhsati u cayi ki pêyarayiron işğal keni ma cezaya gıron doni cı. Ma wazeni neheqi u zulım ra dur ına mesela bıker safi. Ma semedê şar ri xızmet koti rayir u suez da. Ma xızmetkari şarê xu yi u semedê heme meselayon safikerdış cehd keni.”

 “Vera vıraşteyonê qeçaxon mucadele beno”

Reis Arıkan vera vıraşteyonê qeçaxon Waliti u Mudırtiya Emniyet dır piya xebat ra behs kerd u va, “Bıxısusiyet ê ki mudeyê vicinayiş dı ca işğal kerdo, yo bı yo tesbit beni. Ini cayi yeni rıcnayiş. Ma ına mesela keni safi. Wextê safikerdış dı zi ma pê edalet tigêreni u her çi zelal beno. Ma qet ferq nêerzeni bınateyê çıkesi. Ma piya yo tertib biyar bajarê xu.”

“Zabıta eyneyê belediya yo”

Reis Arıkan esnafê qehwe ra pey ekibonê zabıta dır qısey kerd u derheqê işğalê pêyarayiron, cayonê qeçaxon, cayonê bêruhsaton, ruetoğonê seyaron u cayi ki wer u wero ardın rueşeni ıni cayon ser teftişon zidnayiş ser vındert.

Reis Arıkan, semedê huzur u tertibe bajar muhimiya zabıta ser vındert u hına va, “Semedê bajarê ma dı yo tertib ronayiş wezifeyo gıron ê şıma yo. Bıqetiyet musade nêdıyeno işğalê pêyarayiron u vıraşteyonê qeçaxon. Ma Waliti u Mudırtiya Emniyet dır xebata şirık keni u meselaya işğal u vıraşteyo qeçaxo ki zafiya şarê ma safibiyayişê cı wazeno keni safi. Ma ferq nêerzeni bınateyê çıkesi, pê edalet tigêreni u wezifeyê xu oni ca.”

Anket

Yeni sitemizi beğendiniz mi ?

Evet
Hayır
Normal