PÊYARAYİRON DI CA DİYA QUFİYONÊ ÇUEPİ

Mudırtiya Gureyonê Paki, pê talimatê Reisê Belediyaya Çoligi Erdal Arıkan cehde u rayironê gırdonê şarıston dı qufiyê çuepi runayi.

Guerê eşkeraya Mudırtiya Medya u Munasebetê Şari ê Belediyaya Çoligi, çarçiwaya kampanyaya “semedê Çoligêko hına pak” dı merkezê bajar dı u cehdeyonê qerbalıxon dı 50 qufiyê çuepi omı ronayiş.

Eşkera dı hına vaciya; “Merkezê şarıston dı cehdeyonê Genç, İnönü u Kultur u zê mehleyonê Recep Tayyip Erdoğan, Şehit Mustafa Gündoğdu u Karşıyaka mehleyonê qerbalıxon dı cehde u kuçeyon dı 50 qufiyê çuepi omı alıqnayiş. Qufiyi ki bınateyê yin dı yo mesafe esto hem weş êseni hem zi ına saye dı şarıstonê ma hına pak moneno.”

Semedê hesasiyet venqdayiş

Eşkeraya ki tede xebatonê paki ra behs bı semedê mewzuyê paki dı hesasiyet veng diya hemwelatiyon zi.

Eşkera dı hına vaciya; “Ekibi paki ê Mudırtiya Gureyonê Paki seranserê şarıston keni pak. Ma wazeni wa hemwelatiyi ma zi semedê yo şarıstono hına pak u hına rınd paşt bıdi ma. Bıxısusiyet wa saeta cı dı çuepê xu bıerzi teber. In mewzu semedê pakiya şarıstonê ma zaf muhim o. Eger desteg bıdiyo ıni xebatonê ma, ma hına lez reseni hedefê ‘Çoligêko hına pak’. Hemwelatiyi ma yi hesasi, ê hemwelatiyi ki teberê saeta cı dı çuep erzeni teber u zırar doni dormale wa yin hişar bıkeri. Wa çıkes xu vira nikero ki her hemwelatiyo ki mewzuyê dormale dı hesas bo, fom beno ki ın hemwelati semedê qıconê ma ri Çoligêko hına pak verdayiş cehd keno.”

Anket

Yeni sitemizi beğendiniz mi ?

Evet
Hayır
Normal