PROJEYÊ OTOPARQA BI QAT DESTPÊ KENO

Reis Arıkan va; “Projeyê otoparqa bı qat u cayê tucareto ki qerajo verin ê dolmişonê dewon dı vıraziyeno ma lezabez temom keni. Wayiri heqoni ki muqaweleya kiraya yin dewom kena ın gurı ra zırar nivineni. Muameleyê hewelnayiş u teslimê cayi ra pey dest bı proje beno.”

Reisê Belediyaya Çoligi Erdal Arıkan, çarçiwaya projeyê otaparqa qata ki 6 hezar u 600 qaremetre ser herında qerajo verin ê dolmişonê dewon dı vıraziyeno, wayirê heq ê ın cayi dır omı tihet.

Arıkan, kombiyayişo ki Merkezê Kultur dı vıraziya qısey kerd, derheqê projeyo ki otoparqa bı qat u 15 dıkoni esti melumat guret.

Arıkan hına qısey kerd; “Ze ku ma vicinayiş ra ver zi va ma pê aqılo şırik, edalet u şefafiyet şarıstonê xu idare keni. Ma tımotım qıymet doni istışare u ma derheqê heme projeyonê xu dı hem fıkırê şarê xu hem zi fıkırê muxateban geni. Ina çarçiwa dı ma şıma dır omê yoca, çunki şıma zi parçeyê ın proje yi. Ma waşt gueştariya hivi u waştışonê şıma bıker.”

Arıkan, temombiyayişê proje ra pey evzeliyet wayironê heq dayişi ser vındert u hına va; “Tiya dı 2 hedefi ma esti; hedefo verin proje lezabez temomkerdış hedefê dıyın zi zırar nidiyayişê wayironê heq. Hema serr u nim mudeyê muqaweleya bınateyê belediya u wayironê heq esto. Tiya dı şıma zırar nivineni, ma xu miyan dı protokol imza keni u temombiyayişê proje ra pey hina ca dıyeno şıma u mudeyê muqaweleyo ki mendo yeno dewomkerdış.”

 “ Hedefê ma peyniya serr dı temomkerdış o”

Arıkan, mudeyo tor kılm dı hewılyayişê wayironê heq ser vındert u hına va; “Şıma ra pey ma firmaya ki gurı gureto xu ser a firma dır zi qısey keni, ca teslim keni u dest bı projeyê xu keni. Şıma çendêk lez bıhewılyi ma zi hındêk lez destpê keni. Eger yo tengasi çin bo hedefê ma heta peyniya serr proje temomkerdış o.”

Arıkan, waştışê wayironê heq ‘wa proje batal bıbo u revize ra pey yona dor ihale bıbo’ zi kritik kerd u va; “Proje, ihale u muqaweleya ın cayi imza biyi. Inay ra pey hetê qanun ra proje batalkerdışê ma mımkun niyo. Ma pê destegê şıma proje temom keni u hem meselaya parqa wesayiton keni tor tay u hem zi Beşyol resneni sıfetêko newe.”

Wayironê heq semedê hesasiyetê cı Reis Arıkan ri teşekur kerd u va; “Semedê ın kombiyayiş tertibkerdış u gueştariya ma kerdış ma şıma ri teşekur keni. Qey vıraziyayişê proje çı ma dest rabiyero ma keni.”

Anket

Yeni sitemizi beğendiniz mi ?

Evet
Hayır
Normal