PROJEYÊ DUESTÊ DORMALE Rİ DESTEG

Belediyaya Çoligi ya ki zê projeyê çuep ra enerji, tesisê sterilizasyon ê eşteyo tıbbi u enerjiyê tij eşti fealiyet; semedê xebata poşeto plastik kêm şıxulnayiş ri paştdayiş, tuarbeyo puêtin da hemwelatiyon.

Belediyaya Çoligi, qanunê dormaleyo ki meclis dı tesdiq bıbı u 1 Konuno Peyin 2019 ra pey kot bı fealiyet u pê ıno qanun poşeti plastiki bibi bıpere, paşt da ıno qanun.

Guerê eşkeraya Koordinatoriya Medya u Munasebetê Şar ê Belediyaya Çoligi, tuarbeyi puêtini ki pê sloganê “tuarbeyo puêtin bışıxuln dormale bıpaw” biyi hedre bazaronê semton dı u marketon dı dıyayi hemwelatiyon.

 “Ma paşt doni projeyonê duestê dormale”

Eşkeraya ki tede elaqayo pil tuarbeyonê puêtinon muejnayişê hemwelatiyon ra behs bı hına dewom kerd: “Xebati ki çarçiwaya Projeyê Sıfır Eşte dı semedê poşeto plastik kêmkerdış dewom keni ma paşt doni ıni xebaton. Ma hemwelatiyonê xu poşetonê plastikon şıxulnayiş ra dur fineni u poşetonê puêtinon yin ra keni vıla. Poşeti ki bı se serron tebiet dı moneni ma vera yin mucadele keni. Ina çarçiwa dı ma vılakerdışê tuarbeyonê puêtinon ri dewom keni.”

Eşkeraya ki tede Çolig dı tetbiqê projeyonê duestê dormale ra behs bı hına dewom kerd: “Belediyaya ma par çarçiwaya xebatonê ‘Projeyê Çuep ra Enerji HesılKerdış’ dı sehaya depokerdışê eşteyo wışk dı tesis na rue. Goma verin ê projeyê ma temom bi u semedê lisans muracat bı. Goma verin dı seet dı 150 kilovatseet ceyron hesıl beno. Pê temombiyayişê tesisê fermantasyon hina zaf enerjiyê ceyroni hesıl beno. Heto bin ra ma muqaweleya projeyê enerjiyê tij imza kerd. Proje mılkê belediya dı u 103 duenım ser tetbiq beno. Goma verin dı 20 duenım ser santrali enerjiyê tij yeni runayiş u seet dı 1 megawatt enerji hesıl beno. Heto bin ra ma projeyê tesisê sterilizasyon ê eşteyo tıbbi eşt fealiyet. Eşteyo tıbbiyo ki merkezê bajar u qezayonê bajar ra aridıyeno, ıno tesis dı muamele ra yeno viyarnayiş. Ma bı fomê belediyayêka duestê dormale xebatonê xu ri dewom keni.”

Anket

Yeni sitemizi beğendiniz mi ?

Evet
Hayır
Normal