PLONÊ İLAWE Ê İMAR OMI İPTAL KERDIŞ

Belediyaya Çoligi da peyhesnayiş ki plonê ilawe ê imar o ki kombiyayişo verin dı qebul bıbı, çarçiwaya raporê waliti u fıkıro menfi ê teşkilatonê alaqadaron ser ra omeyo iptalkerdış. Belediya, manipulasyoni ki medyaya sosyal ser ra vıraziyayi, reaksiyon da yin zi.

Guerê eşkeraya Belediyaya Çoligi, plonê ilawe ê imaro ki nızdiya 150 metre bınê rayirê dormale ê Çolig- Diyarbekır ra despê keno u Çata Berti ra heta Çata Raşteyê Teyara dewom keno, kombiyayişê Aşma Konunê Verini ê Meclis dı mışorı biyo, raporo tekniko ki hetê Mudırtiya Dormale u Bajar ra biyo hedre ıni şerti nêomê ca u çarçiwaya fıkıro menfi ê teşkilatonê alaqadaron dı pê zafiya rey iptal biyo.

Eşkera dı hına vaciya: “Plonê ilawe ê imaro ki mehlaya Afaton dı biyo, pê tarixê 08.11.2018 u qerarê 66 ê Meclisê Belediya tesdiq biyo, qerarê meclisi guerê maddeye 23. ê qanunê Belediya erşawiyayo meqamê Waliti. Meqamê Waliti, pê tarixê 21.11.2018 u omara 7365 cewabê nuşte nuşto u vato raporo ki hetê Mudırtiya Dormale u Bajar ra tarixê 21.11.2018 biyo hedre, şerti ıni rapori nêomê ca. Plonê ilawe ê imar, çarçiwaya plonê dormaleyo ki nisbetê 1/100.000 dı yo, guerê yı biyo hedre labelê guerê qanunê imar, cayo ki bê plan bu u tede plonê ilawe bıvıraziyo lazımo ın plon ra ver fıkırê teşkilatonê alaqadaron biyero guretış. Derheqê mewzu dı fıkırê 2 teşkilaton menfi yo. Ina çarçiwa dı qeraro ki tarixê 08.11.2018 dı u pê omara 66 ê Meclisê Belediya gêriyawo, pê zafiya rey qerarê iptal biyayişê cı dıyayo.”

 “In teşebus ğesbê selahiyet o”

Eşkera dı vaciya ki, plono ki iptal biyo çarçiwaya ê ploni dı wayironê heq dır Seretiya Bajar ê AK Parti dı mışorı biyo. Beyanati ki ın mışorı ra pey medyaya sosyal dı neşır biyi ê beyanati zi tenkid biyi.

Eşkera dı ifade bı ki Reisê Belediya Yücel Barakazi wezifeyê xu ser do u heta vicinayiş zi wezifeyê xu ri pê heyecanê rueco verin dewom keno.

Eşkera hına dewom kerd: “Mışorıyo ki binaya parti dı wayironê heq dır vıraziyayo teberê melumatê Reis Yücel Barakazi dı biyo; Reisê ma yo muhterem o ruec Çolig dı bı labelê herında ey dı veng dıyayo Wekilê Reisê Belediya. In weziyet ğeyri samimi yo u teşebusê ğesbê selahiyet o. Namzetê Reisê Belediya Erdal Arıkan, mışorı ra pey medyaya sosyal dı derheqê mewzu dı beyanati dayi. Ini beyanaton zıraro pil dawo partiya ma ru. Wayironê heq dır yoca omiyayiş, eger esto meselaya imar safikerdış u derheqê ın mewzu dı gurıyon idare kerdış wezife u mesuliyetê Reisê Belediya yo. Zeg yo Reisê Belediyayo muxalif bıbo rayirê durvıstış ra şiyayiş u medyaya sosyal ser ra mesaj neşır kerdış u bı ın qeyde zeg yona meqamê safikerdış esto tigêrayiş etik u exlaqi niyo. Weziyeto ki tor zaf diqet onceno zi ıno yo ki wekili bajar ıni mesajon dı etiket beni labelê vera ın weziyet xu keni kerr u qet gueş pa nikuweni.  Ma oni vir ki Reisê Belediyaya ma Yücel Barakazi, heta 31 Edar 2019 wezifeyê Reistiya Belediyaya Çolig ri dewom keno; derheqê xebatonê belediya dı zi wayirê tesdiq u eşkera zi o yo.”

Anket

Yeni sitemizi beğendiniz mi ?

Evet
Hayır
Normal